کامیڈین ببورانا نے پیروڈی سانگ ’’لنڈا‘‘ کا وڈیو مکمل کرلیا
بھارتی فلم ’’جب تک ہے جان‘‘ کے گیت’’جھلا ‘‘ کا پیروڈی وڈیو سانگ’’لنڈا‘‘ تیار کیا ہے جو جلد آن ائیر کردیاجائے گا
ISLAMABAD:
معروف کامیڈین ببورانا نے پیروڈی سانگ ''لنڈا'' کا وڈیو مکمل کرلیا ہے ۔ اس کو نسیم وکی نے لکھا اور گلفام نے ڈائریکٹ کیا ہے۔
ببو رانا نے ''ایکسپریس'' کو بتایا کہ بجلی کی لوڈشیڈنگ پر بنایا جانے والا گیت''بجلی جی'' بے حد مقبول ہوا تھا جس کا وڈیو ایکسپریس چینل نے ہی تیار کیا اور چلایا تھا ۔انھوں نے کہا کہ موسم سرما آتے ہی لوگ لنڈے بازار کا رخ کرتے ہیں مگر مہنگائی کی وجہ سے بھی عام آدمی کی پہنچ سے دور ہوگیا ہے۔ جس پر میں نے بھارتی فلم ''جب تک ہے جان'' کے گیت''جھلا '' کا پیروڈی وڈیو سانگ''لنڈا'' تیار کیا ہے جو جلد آن ائیر کردیاجائے گا۔