ڈپٹی ڈائریکٹرایمرجنسی پمزڈاکٹرمنظور کا کورونا سے انتقال

ڈپٹی ڈائریکٹرایمرجنسی کے انتقال پروائے ڈی اے (ینگ ڈاکٹر ایسوسی ایشن) کی جانب سے تین روزہ سوگ کا اعلان کیا گیا ہے: فوٹو: فائل

---

ڈپٹی ڈائریکٹرایمرجنسی پمز ڈاکٹر منظور کورونا وبا کے باعث انتقال کرگئے۔

کورونا وبا کے باعث ڈپٹی ڈائریکٹرایمرجنسی پمز ڈاکٹرمنظور کا انتقال ہوگیا۔ ڈپٹی ڈائریکٹرایمرجنسی کے انتقال پروائے ڈی اے (ینگ ڈاکٹر ایسوسی ایشن) کی جانب سے تین روزہ سوگ کا اعلان کیا گیا ہے۔

صدروائے ڈی اے ڈاکٹر فیض خان اچکزئی نے کہا کہ ڈاکٹر منظور کے خاندان والوں سے اظہارِ تعزیت کرتے ہیں، کورونا کے خلاف جنگ میں ہیلتھ کئیرورکرز قوم کی خاطر قربانیاں دے رہے ہیں، ڈاکٹر منظور کی ہیلتھ کمیونٹی کے لیے خدمات کو ہمیشہ یاد رکھا جائے گا۔

صدروائے ڈی اے نے کہا کہ بطور ڈپٹی ڈائریکٹر ایمرجنسی مرحوم نے ہمیشہ پیشہ وارانہ انداز میں مریضوں کی خدمت کی، حکومت سے مرحوم کے خاندان والوں کی مالی معاونت اورشہید پیکج کی فراہمی یقینی بنانے کا مطالبہ کرتے ہیں۔ حکومت اسپتالوں میں ہیلتھ کئیر ورکرزکے تحفظ کے لیے حفاظتی اقدامات میں اضافہ کرے۔