نواب شاہ میں دھند کے باعث متعدد گاڑیاں ٹکرا گئیں 3 افراد جاں بحق

زخمی ہونے والے افراد کو قاضی احمد اور دولت پور اسپتال منتقل کردیا گیا ہے، موٹروے پولیس۔ فوٹو:فائل

---

قاضی احمد کے قریب قومی شاہراہ پر شدید دھند کے باعث متعدد گاڑیاں ٹکرانے کے باعث 3 افراد جاں بحق اور 20 سے زائد زخمی ہوگئے۔

ایکسپریس نیوز کے مطابق نواب میں قاضی احمد کے قریب قومی شاہراہ پر شدید دھند کے باعث متعدد گاڑیاں ٹکرا گئیں، گاڑیاں ٹکرانے سے 3 افراد موقع پر جاں بحق ہوگئے، جب کہ 20 سے زائد زخمی ہوگئے۔

موٹروے پولیس کا کہنا ہے کہ واقعے کے اطلاع ملتے ہی ریسکیو اور پولیس کی ٹیمیں جائے حادثہ پر پہنچ گئیں، تاہم 3 افراد موقع پر ہی دم توڑ چکے تھے، جب کہ زخمی ہونے والے افراد کو قاضی احمد اور دولت پور اسپتال منتقل کردیا گیا ہے۔