عمران خان بتائیں وہ کس کی ڈیوٹی دے رہے ہیں فضل الرحمن

26 جنوری کو خیبرپختونخوا کے عوام این جی اوز کی پارٹی کی سیاست رد کرینگے۔ فوٹو: فائل

---

جمعیت علمائے اسلام کے سربراہ مولانافضل الرحمن نے کہا ہے کہ اگرجمعیت علمائے اسلام نیٹوسپلائی بندکرتی توآج اس سے سب سے بڑا دہشت گرد بنایا جاتا، دوسری طرف جب پاکستان تحریک انصاف نے نیٹوسپلائی بندکی تواس پر لاکھوں ڈالر کی بارش کی گئی۔

پاکستان پر پابندیوں کی دھمکی مرکزی حکومت کودی جارہی ہے۔تحریک انصاف کے چئیرمین عمران خان واضح کرے کہ وہ ڈیوٹی کس کیلیے کررہے ہیں۔ان خیالات کا اظہار جے یو آئی کے سربراہ مولانافضل الرحمن نے مردان سے 10 رکنی وفدسے ملاقات میں کیا۔ جنھوں نے جمعیت علمائے اسلام میں شمولیت اختیارکا اعلان کیا۔مولانا فضل الرحمن نے کہاکہ تحریک انصاف کی حکومت ان ڈالروں کواین جی اوز اورکنسلٹنٹس کے ذریعے خرچ کر ے گی تاکہ لوگوں کی ہمدردیوںکوخریدا جاسکے۔عوام ایک نعرے سے جذباتی ہوگئے تھے۔اب 26 جنوری کوصوبہ خیبرپختونخواکے عوام یوم احتساب مناکراین جی اوزکی پارٹی کی سیاست کوردکریں گے۔