پی ڈی ایم کا جلسہ ٹُھس اور بیانیہ پُھس ہوچکا ہے فردوس عاشق اعوان

پی ڈی ایم نے جتنے لوگ گزشتہ روز اکٹھے کیے اس سے زیادہ سہولت بازاروں میں ہوتے ہیں، فردوس عاشق اعوان

ویب ڈیسک January 20, 2021

جعلی راجکماری بتائے کہ بیرون ممالک 76 جائیدادیں کس کی ہیں؟فردوس عاشق اعوان فوٹو: فائل

QUETTA: وزیر اعلی پنجاب کی معاون خصوصی فردوس عاشق اعوان نے کہا ہے کہ پی ڈی ایم کا جلسہ ٹُھس اور بیانیہ پُھس ہوچکا ہے۔

اپنی ٹوئٹ میں فردوس عاشق اعوان نے کہا کہ لندن تو کیا پاکستان میں بھی کوئی جائیداد نہیں" سے جانی جانے والی جعلی راجکماری لندن ہائی کورٹ کے فیصلے کےبعد بتائے کہ امریکا، برطانیہ، پاکستان اور سعودی عرب میں اربوں روپے کی 76جائیدادیں کس کی ہیں اور اپنے مفرور بھائیوں کی مختارِ خاص ہونے کے ناطے ان جائیدادوں میں اس کا حصہ کتنا ہے؟

فردوس عاشق اعوان نے کہا کہ حکومت کی جانب سے فری ہینڈ اور بغیر کسی رکاوٹ کے پی ڈی ایم کا جھوٹ کی گردان پر مبنی رونا دھونا تو ہوگیا لیکن 11جماعتوں نے ملکر جتنے لوگ اکٹھے کئے اس سے کہیں زیادہ تعداد میں لوگ بزدارحکومت کی جانب سے لگائے گئے سہولت بازاروں میں موجود ہوتے ہیں۔ پی ڈی ایم کا جلسہ ٹُھس اور بیانیہ پُھس ہوچکا ہے۔