پرویز مشرف کے فارم ہاؤس کے قریب سے آج پھر بارودی مواد برآمد

سابق صدر سیکیورٹی خدشات کے باعث آج پھر خصوصی عدالت میں پیش نہیں ہوئے۔

ویب ڈیسک January 01, 2014

اب تک پرویز مشرف کے گھر کے پاس سے بارودی مواد سے بھری ایک مشتبہ گاڑی جب کہ 3 مرتبہ سڑک کے اطراف سے باورودی مواد برآمد ہوچکا ہے فوٹو؛فائل

FAISALABAD: سابق صدر پرویز مشرف کے فارم ہاؤس کے قریب سے آج پھر بارودی مواد برآمد ہوا ہے جس کے باعث وہ آج بھی عدالت میں پیش نہیں ہوئے۔

سابق صدر پرویز مشرف کو غداری کیس میں خصوصی عدالت میں پیش ہونا تھا جس پر وفاقی پولیس نے آج صبح بم ڈسپوزل اسکواڈ کے ذریعے سابق صدر کے روٹ کو چیک کیا تو پرویز مشرف کے فارم ہاؤس سے 3 کلو میٹر کے فاصلے پر ٹریفک سگنل کے قریب سے ایک کلو بارودی مواد برآمد ہوا۔ اس سے قبل بھی 24 دسمبر کو مشرف کو جب عدالت میں پیش کیا جانا تھا تواس موقع پر بھی 5 کلو گرام بارودی مواد، ڈیٹونیٹر اور اسلحہ برآمد ہوا تھا۔

اب تک سابق صدر پرویز مشرف کے گھر کے پاس سے بارودی مواد سے بھری ایک مشتبہ گاڑی جب کہ تین مرتبہ سڑک کے اطراف سے باورودی مواد برآمد ہوچکا ہے۔ سابق صدر کو پیشی پر لے جانے کیلئے وفاقی پولیس روٹ کو کلیئر کر کے رینجرز کے حوالے کرتی ہے اس کے باوجود بارودی مواد برآمد ہونا سکیورٹی پر سوالیہ نشان ہے۔