بھارتی صدر پرناب مکھرجی نے کرپشن روکنے کے بل کی منظوری دیدی
لوک پال بل ملکی سیاست اور محکموں میں بدعنوانی پر قابو پانے کے لئے 45 سال قبل بھارتی پارلیمنٹ میں پیش کیا گیا تھا
راجیہ سبھا پہلے ہی 17 دسمبر کو اور لوک سبھا 18 دسمبر کو اس بل کی منظوری دے چکے ہیں۔ فوٹو: اے ایف پی/ فائل
بھارتی صدر پرناب مکھرجی نے کرپشن روکنے کے لئے ''لوک پال'' بل پر دستخط کردیئے ہیں۔
بھارتی میڈیا کے مطابق لوک پال بل ملکی سیاست اور محکموں میں بدعنوانی پر قابو پانے کے لئے 45 سال قبل بھارتی پارلیمنٹ میں پیش کیا گیا تھا تاہم یہ حکمران جماعت کانگریس، اپوزیشن جماعت بھارتیہ جنتا پارٹی اور سول سوسائٹی کے درمیان طویل عرصے تک تنازع کا سبب بنا رہا لیکن بھارتی صدر کے دستخط کے بعد یہ بل اب باقاعدہ قانون کا حصہ بن گیا ہے۔
واضح رہے کہ راجیہ سبھا پہلے ہی 17 دسمبر کو اور لوک سبھا 18 دسمبر کو اس بل کی منظوری دے چکے ہیں۔