امریکی شہر میناپولس کی رہائشی عمارت میں دھماکا اور آتشزدگی 12 افراد زخمی

فائر فائٹرز نے عمارت میں لگی آگ پر قابو پالیا تاہم سخت سردی کے باعث انہیں اس میں شدید مشکلات کا سامنا کرنا پڑا، حکام فوٹو: سی این این

---

امریکی ریاست منیسوٹا کے شہر میناپولس میں 3 منزلہ رہائشی عمارت میں دھماکے کے بعد آگ لگنے سے 12 افراد زخمی ہوگئے۔

امریکی میڈیا کے مطابق رہائشی عمارت میں دھماکے کے فوری بعد آگ بھڑک اٹھی جس کے نتیجے میں عمارت میں موجود 12 افراد زخمی ہوگئے جنہیں طبی امداد کے لئے اسپتال منتقل کردیا گیا تاہم زخمیوں میں سے بعض کی حالت تشویشناک ہے۔

دوسری جانب حکام کا کہنا ہے کہ ابتدائی طور پر دھماکے اور آگ لگنے کی وجوہات کا علم نہیں ہوسکا جبکہ فائر فائٹرز نے عمارت میں لگی آگ پر قابو پالیا تاہم سخت سردی کے باعث انہیں اس میں شدید مشکلات کا سامنا کرنا پڑا۔