کراچی انسٹی ٹیوٹ آف ہارٹ ڈیزیز این آئی سی وی ڈی کو دینے کا اعلان

کے ایم سی اسے نہیں چلاپارہی اس لیے فیصلہ کیا، وزیراعلیٰ کو آج تک نیب کا کوئی نوٹس نہ ملا، مرتضی وہاب

Staff Reporter January 22, 2021

کے ایم سی اسے نہیں چلاپارہی اس لیے فیصلہ کیا، وزیراعلیٰ کو آج تک نیب کا کوئی نوٹس نہ ملا، مرتضی وہاب (فوٹو : انٹرنیٹ)

سندھ حکومت نے کراچی انسٹی ٹیوٹ آف ہارڈ ڈیزیز (کے آئی ایچ ڈی) کو کے ایم سی سے لے کر این آئی سی وی ڈی کو دینے کا اعلان کردیا۔

اس بات کا اعلان سندھ حکومت کے ترجمان بیرسٹر مرتضیٰ وہاب نے ضلع جنوبی میں زینب مارکیٹ سے متصل فوارہ چوک پر مونومنٹ اور اس کی ازسر نو تعمیر کے افتتاح کے بعد میڈیا سے گفتگو کرتے ہوئے کیا۔

مرتضی وہاب کا کہنا تھا کہ کے ایم سی کراچی انسٹی ٹیوٹ آف ہارٹ ڈیزز کو نہیں چلا پارہی جس کی وجہ سے فیصلہ کیا گیا ہے اسے این آئی وی سی ڈی کو دے دیا جائے تاکہ شہریوں کو ایک بہتر سہولت میسر آسکے۔

عمران خان نے خود فارن فنڈنگ کیس کے معاملات کو خفیہ رکھنے کی درخواست دی، پی ٹی آئی مناظرے بعد میں کرے پہلے الیکشن کمیشن میں جواب دے، وزیراعظم فارن فنڈنگ کیس سے توجہ ہٹانا چاہتے ہیں، وزیراعظم یہ بتائیں کہ فنڈز کہاں سےآئے؟

انہوں نے کہا کہ وزیراعلی سندھ کو نیب سے کوئی سمن نہیں ملا اور کوئی ریفرنس دائر نہیں ہوا صرف انکوائری چل ہی تھی، ہمارے اوپر فرخ حبیب الزم لگارہے ہیں اور وہ توجہ کو ہٹانے کے لیے ایسا کر رہے ہیں، ہم ہرسال الیکشن کمیشن کو حساب جمع کرواتے ہیں۔