گلوکار وموسيقار اذان سمیع خان کا کلام تو ہے میرا ریلیز

موسیقار اور گلوکار اذان سمیع خان کا کمپوز کردہ کلام 'تو ہے میرا' گزشتہ روز ریلیز کردیا گیا جس میں بین الاقوامی سطح پر شہرت پانے والی ننھی ہادیہ ہاشمی، گلوکارہ حدیقہ کیانی، گلوکار علی طارق، فرید ایاز اور ابو محمد نے بھی کلام میں اپنی آواز کا جادو جگایا ہے۔


معروف لکھاری ایس کے خالش نے کلام تحریر کیا ہے جبکہ شہباز ایلکس نے موسیقی کو ترتیب دیا ہے۔ اذان سمیع خان کہتے ہیں کہ 'تو ہے میرا' کلام کے ساتھ ساتھ ایمان اور امید کا پیغام ہے۔ امید کی کرن ہی وہ شہ ہے جو انسان کو اندھیروں میں روشنی کی سمت لے آتی ہے۔ سال 2021 کی شروعات میں اس کلام کو 'امید کا گیت' بھی کہا جاسکتا ہے۔

واضح رہے کہ اذان سمیع خان اس سے قبل 'پرے ہٹ لو '، سپر اسٹار اور پرواز ہے جنون جیسی بلاک بسٹر فلموں میں بھی موسیقی ترتیب دے چکے ہیں۔