ورون اور نتاشا شادی کے بندھن میں بندھ گئے تصاویر منظر عام پر آگئی

اداکار ورون دھون نے اپنے انسٹاگرام اکاؤنٹ سے شادی کی تصاویر شیئر کیں

ویب ڈیسک January 25, 2021

اداکار ورون دھون نے اپنے انسٹاگرام اکاؤنٹ سے شادی کی تصاویر شیئر کیں

بالی ووڈ اداکار ورون دھون اپنی دیرینہ دوست اور فیشن ڈیزائنر نتاشا دلال کے ساتھ شادی کے بندھن میں بندھ گئے جن کی تصاویر بھی منظر عام پر آگئی ہیں۔

بھارتی میڈیا رپورٹس کے مطابق بالی ووڈ کے نامور ہدایت کار ڈیوڈ دھون کے صاحبزادے اور نوجوانوں کے پسندیدہ اداکار ورون دھون کی اپنی دیرینہ دوست نتاشا دلال کے ساتھ شادی کی تقریب مہاراشٹرا کے علی باغ میں ایک پرتعیش فائیو اسٹار ہوٹل ''دی مینشن ہاؤس'' میں ہوئی جہاں ان کے قریبی دوستوں اور رشتہ داروں کی موجودگی میں شادی کی تمام رسمیں ادا کی گئیں۔

شادی کی تقریب میں فیشن ڈیزائنر نتاشا دلال نے اپنے ہی ڈیزائن کردہ ملبوسات پہننے کو ترجیح دی تاہم اداکار ورون دھون نے اپنی بیگم کے ڈیزائن کردہ ملبوسات پہننے کے بجائے بالی ووڈ کے معروف ڈیزائنر منیش ملہوترا کا ڈیزائن کردہ لباس پہنا۔

View this post on Instagram

A post shared by VarunDhawan (@varundvn)

دوسری جانب اداکار ورون دھون نے اپنے انسٹاگرام کے اکاؤنٹ پر شادی کی مختلف تصاویر شیئر کیں جن میں رشتہ داروں کے سامنے اپنی اہلیہ نتاشا کے ہاتھوں میں ہاتھ ڈالے پھیرے لیتے ہوئے دکھائی دے رہے ہیں۔

اداکار ورون دھون نے تصاویر کے کیپشن میں لکھا '' زندگی بھر کی محبت اب زندگی کا حصہ بن گئی''