بابر اعظم نے بطور 34ویں ٹیسٹ کپتان میدان سنبھال لیا

مصباح کامیاب ترین قائد، باہمی مقابلوں میں جنوبی افریقہ کو واضح برتری۔ فوٹو: فائل

---

بابر اعظم آج 34ویں پاکستانی ٹیسٹ کپتان کے طور پر میدان میں اترے۔

پاکستانی ٹیسٹ کرکٹ تاریخ کے پہلے کپتان عبدالحفیظ کاردار تھے، انھوں نے 1952سے 1958تک 23میچز میں ٹیم کی کمان سنبھالی اور 6 فتوحات حاصل کیں، اتنے ہی مقابلوں میں شکست کا سامنا کرنا پڑا۔

🇵🇰 Babar Azam is ready to lead for the first time in Test cricket as Pakistan take on South Africa in Karachi today.#PAKvSA first Test preview 👇

— ICC (@ICC) January 26, 2021

اس سفر میں کامیاب ترین کپتان کا اعزاز قومی ٹیم کے ہیڈ کوچ مصباح الحق کو حاصل ہے، انھوں نے 56میچز میں سب سے زیادہ 26فتوحات سمیٹیں، 19میں ناکامی ہوئی،11میچز ڈرا ہوئے، عمران خان اور جاوید میانداد نے 14، 14 مقابلوں میں کامیابی حاصل کی۔

A new dawn for @TheRealPCB with @babarazam258 at the helm 🇵🇰#PAKvSA pic.twitter.com/toekgzm9ea

— ICC (@ICC) January 26, 2021

دورہ نیوزی لینڈ میں بابر اعظم کی انجری کے سبب محمد رضوان کو پہلی بار قومی ٹیسٹ ٹیم کی قیادت کا موقع ملا،منگل کو بابر اعظم 34ویں کپتان کے طور پر میدان میں اتریں گے، دوسری جانب پاکستان اور جنوبی افریقہ کے 26باہمی میچز میں سے 15میں پروٹیز نے فتح سمیٹی، صرف 4 میں گرین کیپس سرخرو جبکہ 7 مقابلے ڈرا ہوئے۔

Pakistan's youngest Test captains#HarHaalMainCricket #PAKvSA #BackTheaboysInGreen pic.twitter.com/veSDnXt9Wx

— Pakistan Cricket (@TheRealPCB) January 26, 2021

پاکستان نے ابھی تک 7ٹیسٹ میں جنوبی افریقہ کی میزبانی کرتے ہوئے صرف ایک جیتا، 2 میں شکست جبکہ 4 میچز ڈرا ہوگئے، نیشنل اسٹیڈیم کراچی میں صرف ایک ٹیسٹ2007 میں کھیلا گیا جس میں پروٹیز نے کامیابی حاصل کی۔