بختاور بھٹوزرداری نے اپنی مہندی کی ویڈیو شیئر کردی

بختاور بھٹو دبئی سے تعلق رکھنے والے بزنس مین محمود چوہدری کی دلہن بننے جارہی ہیں فوٹوفائل

---

شہید محترمہ بے نظیر بھٹو اور سابق صدر آصف زرداری کی صاحبزادی بختاور بھٹو زرداری نے اپنے ہاتھوں میں مہندی لگنے کی ویڈیو شیئر کی ہے۔

بختاور بھٹو زرداری کی آج مہندی کی تقریب ہے۔ بختاور نے انسٹاگرام اسٹوری پراپنے ہاتھوں میں مہندی لگنے کی مختصر ویڈیو شیئر کی ہے۔ بختاور کی شادی کسی مشہور شخصیت کی شادی سے کم نہیں۔ ان کی شادی کے چرچے پورے میڈیا پر ہورہے ہیں اور سوشل میڈیا پر بھی صرف اسی شادی کے بارے میں بات ہورہی ہے۔

بختاور بھٹو کی شادی کی تقریبات کا آغاز اتوار کے روز میلاد شریف کے اہتمام کے ساتھ ہوا تھا۔ جس میں بختاور کی پھوپھی فریال تالپور، ڈاکٹر عذرا پیچوہو اور پارٹی کی دیگر خواتین کارکنان نے شرکت کی تھی۔

Today, the Celebrations for Wedding Ceremony of Shaheed Muhatrma Benazeer Bhutto's daughter, @BakhtawarBZ , began with the Blessed Kalam of ALLAH followed by praising our Beloved Prophet Mohammad S.A.W.S.

May ALLAH shower His Endless Happiness over this family of Martyrs. pic.twitter.com/duH1BmaRe6

— MPA Shazia Karim Sang'haar (@SanghaarShazia) January 24, 2021

واضح رہے کہ بختاور بھٹو دبئی سے تعلق رکھنے والے بزنس مین محمود چوہدری کی دلہن بننے جارہی ہیں۔ دونوں کا نکاح 29 جنوری کو اور بارات 30 جنوری کو منعقد ہے۔ بارات میں 300 کے قریب مہانوں کی شرکت متوقع ہے۔

پاکستان پیپلز پارٹی کے ترجمان کے مطابق بلاول بھٹو زرداری اپنی بہن کی شادی کی تیاریوں میں حصہ لینے کے لیے ایک ہفتہ قبل ہی اپنی سیاسی سرگرمیوں کو ترک کرچکے ہیں۔