سال کا پہلا مہنگائی بم بجلی کی قیمت میں 27 پیسے فی یونٹ اضافہ

تقسیم کار کمپنیوں نے نیپرا سے فیول ایڈجسٹمنٹ کی مد میں 45 پیسے اضافے کی درخواست کی تھی فوٹو:رائٹرز/ فائل

---

نیپرا نے بجلی کی قیمت میں 27 پیسے فی یونٹ اضافہ کرکے عوام پر سال کاپہلا مہنگائی بم گرا دیا ہے۔

ایکپسریس نیوز کے مطابق کے ای ایس سی کے علاوہ ملک کی تمام تقسیم کار کمپنیوں نے نیپرا سے فیول ایڈجسٹمنٹ کی مد میں 45 پیسے اضافے کی درخواست کی تھی، نیپرا نے درخواست کی سماعت کرتے ہوئے نومبر کے مہینے کے لئے 27 پیسے فی یونٹ اضافے کی منظوری دے دی ہے تاہم اس کا اطلاق کراچی الیکٹرک سپلائی کمپنی پر نہیں ہوگا۔

واضح رہے کہ نومبر 2013 میں بھی نیپرا نے بجلی کی قیمت میں 73 پیسے فی یونٹ اضافہ کیا تھا۔