کراچی دنیا کے آلودہ ترین شہروں کی فہرست سے باہر

فضاؤںمیں آلودہ ذرات کی مقدارانتہائی کم69 پریٹیکولیٹ میٹرزریکارڈ

Staff Reporter February 01, 2021

سمندری ہوائیں چلنے سے فضاؤںمیں آلودہ ذرات کی مقدارکم ہوئی،ماہرین

ISLAMABAD: مسلسل کئی روز بعد اتوارکو دن بھر سمندری ہوائیں بحال رہنے کے سبب کراچی دنیا کے آلودہ ترین شہروں کی فہرست سے باہر رہا۔

کراچی کی فضاؤں میں آلودہ ذرات کی مقدار انتہائی کم 69 پریٹیکولیٹ میٹرز رہی،آلودہ شہروں کی فہرست میں لاہور 240 پرٹیکیولیٹ میٹرز کے ساتھ دوسرے نمبر پر رہا،اور دن بھر لاہور آلودہ شہروں کی فہرست میں دنیا بھر میں دوسرے نمبر پررہا،ماہرین کے مطابق شہر کی فضاؤں میں آلودہ ذرات کی مقدار سمندری ہوائیں چلنے کی وجہ سے کم ہورہی ہے۔

سمندر کی جنوب مغربی ہوائیں فضاؤں میں موجود آلودہ اور زہریلے ذرات کو فلٹر کرتی ہے،اتوار کی صبح ڈھاکہ (بنگلہ دیش) پہلے نمبر پر رہا جبکہ بھارتی شہر دہلی،کلکتہ اور ممبئی بالترتیب تیسرے،چوتھے اور چھٹے نمبر پر رہے۔