کامیڈین کپل شرما کے ہاں بیٹے کی پیدائش

کپل شرما نے مداحوں کو ٹوئٹر پر اپنے دوسرے بچے کی پیدائش کی خوشخبری دی

---

بھارت کے نامور کامیڈین کپل شرما کے ہاں دوسرے بچے کی پیدائش ہوئی ہے۔

بھارت کے مقبول ترین شو 'دی کپل شرما شو' کے میزبان اور نامور کامیڈین کپل شرما نے سماجی رابطے کی ویب سائٹ پر ٹوئٹ کرتے ہوئے اپنے مداحوں کو بیٹے کی پیدائش کی خوشخبری دی۔

Namaskaar 🙏 we are blessed with a Baby boy this early morning, by the grace of God Baby n Mother both r fine, thank you so much for all the love, blessings n prayers 🙏 love you all ❤️ginni n kapil 🤗 #gratitude 🙏

— Kapil Sharma (@KapilSharmaK9) February 1, 2021

اپنی ٹوئٹ میں کامیڈین کپل شرما نے مداحوں کو سلام کرتے ہوئے کہا '' آج صبح ہمارے ہاں بیٹے کی پیدائش ہوئی ہے اور خدا کے کرم سے ماں اور بچہ دونوں ہی ٹھیک ہیں۔ انہوں نے مزید کہا کہ آپ سب کی محبتوں، دعاؤں اور پیار کیلیے بہت شکریہ ۔

اس خبر کو بھی پڑھیں؛ کپل شرما نے کامیڈی شو بند ہونے کی وجہ بتادی

اس سے قبل چند روز قبل یہ خبر سامنے آئی تھی کہ سونی ٹی وی بھارت کا مقبول ترین شو ''دی کپل شرما شو'' کے دوسرے سیزن کو بند کیا جارہا ہے کیوں کہ کورونا وبا کے باعث زیادہ فلمیں ریلیز نہیں ہورہی اور شو کے دوران لوگ کی شرکت نہ کرنے سے بھی پروموشن متاثر ہوئی ہے۔

Bcoz I need be there at home with my wife to welcome our second baby 😍🧿 https://t.co/wdy8Drv355

— Kapil Sharma (@KapilSharmaK9) January 28, 2021

دوسری جانب کپل شرما نے سماجی رابطے کی ویب سائٹ پر مداح کی جانب سے پوچھے گئے سوال پر جواب دیتے ہوئے کہا کہ چونکہ میں ایک اور بچے کا باپ بننے والا ہوں اس لیے میرا اہلیہ کے ساتھ ہونا ضروری ہے جس کے باعث 'کپل شرما شو' کو وقتی طور پر بند کی جارہا ہے۔

اس خبر کو بھی پڑھیں؛ کپل شرما نے پاکستان آنے کی خواہش ظاہر کردی

واضح رہے کپل اور گنی کی اس سے پہلے ایک سالہ بیٹی بھی جس کا نام انائرا شرما ہے۔