انوشکا کی ہمشکل کا اداکارہ کی بیٹی کی تصویر پر رد عمل

انوشکا شرما کی ہمشکل امریکی گلوکارہ جولیا مائیکل نے ’وامیکا‘ کی پیدائش پر مبارکباد دی

ویب ڈیسک February 02, 2021

انوشکا شرما کی ہمشکل امریکی گلوکارہ جولیا مائیکل نے بیٹی کی پیدائش پر مبارکباد دی

انوشکا شرما کی ہمشکل نے اداکارہ کی بیٹی کی پہلی تصویر پر رد عمل دیا ہے۔

بھارتی ٹیم کے کپتان ویرات کوہلی اور نامور اداکارہ انوشکا شرما نے اپنی بیٹی کی پہلی تصویر فوٹو شیئرنگ ایپ انسٹاگرام پر ڈالی تو اسے مداحوں کی جانب سے بے حد سراہا گیا اور دونوں اسٹارز کی بیٹی کے لیے نیک خواہشات کا اظہار کیا گیا۔

ویرات کوہلی کی بیٹی کی پہلی تصویر پر اداکارہ انوشکا شرما کی ہمشکل امریکی گلوکارہ جولیا مائیکل نے بھی کمنٹ کیا جس میں انہوں نے صرف ''مبارکباد'' لکھا جسے اداکارہ کے بھارتی مداحوں کی جانب سے بے حد سراہا جارہا ہے۔

خیال رہے ویرات اور انوشکا نے چند روز قبل ہی انسٹاگرام پر بیٹی کے ہمراہ تصویر ڈالتے ہوئے بیٹی کے نام کا اعلان کیا تھا اور انہوں نے اپنی پہلی بیٹی کا نام ''وامیکا'' رکھا ہے۔

View this post on Instagram

A post shared by AnushkaSharma1588 (@anushkasharma)

انسٹاگرام پر اپنی پوسٹ میں انوشکا شرما کا کہنا تھا کہ ہم دونوں زندگی میں محبت ، ایک دوسرے کی موجودگی اورشکرگزاری کے ساتھ زندگی بسرکررہے تھے لیکن ہماری چھوٹی سی بیٹی نے ہمیں بالکل ایک نئی زندگی دے دی ہے۔

اس خبر کو بھی پڑھیں؛ انوشکا اورویرات نے بیٹی کا نام رکھ دیا

واضح رہے کہ 2019 میں امریکی گلوکارہ جولیا مائیکل کی تصاویر وائرل ہونے کے بعد سوشل میڈیا صارفین نے اسے بھارتی اداکارہ انوشکا شرما کا ہمشکل قرار دیا جس کے بعد دونوں انسٹاگرام پر ایک دوسرے کو فالو کرتی ہیں۔