وزیر اعظم کی موجودگی میں ہیلتھ ورکر کو انجیکشن لگا کر ملک میں ویکسینیشن کا آغاز کردیا گیا۔ (فوٹو، سوشل میڈیا)
اسلام آباد میں وزیر اعظم کی موجودگی میں ہیلتھ ورکر کو ویکسین کا ٹیکا لگا کر ویکسی نیشن کا آغاز کیا گیا جسے سرکاری ٹیلی ویژن پر براہ راست نشر کیا گیا۔
اس موقعے پر وزیر اعظم نے کہا کہ چین سےپانچ لاکھ ویکسین ملنے پرشکریہ اداکرتاہوں۔ تمام صوبوں میں ویکسین کی منصانہ تقسیم ہوگی۔ کورونا ایس او پیز پر عمل اور ماسک پہننا بہت ضروری ہے۔ وبا سے بچاؤ کے لیے احتیاطی تدابیر پر عمل جاری رکھنا ہوگا، ویکیسن آنے کے باوجود وائرس کا خطرہ ختم نہیں ہوا۔ امریکامیں چارلاکھ سے زیادہ اموات ہوچکی ہیں۔
LIVE #APPNews : Prime Minister Imran Khan starts Covid-19 (Sinopharm vaccine) vaccination campaign in #Pakistan #Islamabad . #CovidVaccine @PakPMO https://t.co/javcSis9XD
— APP (@appcsocialmedia) February 2, 2021
انہوں نے کہا کہ ہم نے اسکولوں کو کھول دیا ہے اور اب اسپتالوں کو بھی عام مریضو ں کے لیے کھول دیا جائے گا۔ اس موقعے پر وزیر اعظم کے معاون خصوصی برائے صحت ڈاکٹر فیصل سلطان اور وفاقی وزیر منصوبہ بندی اسد عمر بھی وزیراعظم کے ساتھ موجود تھے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔