کسانوں کے معاملے پر کنگنا کو ٹوئٹرپر علی گل سے منہ کی کھانی پڑ گئی

علی گل پیر نے طنزیہ لہجے میں ٹوئٹر پر جواب دیتے ہوئے وہ تمام باتیں کہیں جو کنگنا میں موجود ہیں

ویب ڈیسک February 04, 2021

بھارتی کسانوں کے حق میں کیے گئے امریکی گلوکارہ ریانہ کے ٹوئٹ نے بالی ووڈ اداکارہ کنگنا رناوت کو پاگل کردیا ہے فوٹوفائل

بھارتی کسانوں کے حق میں کیے گئے امریکی گلوکارہ ریانا کے ٹوئٹ نے بالی ووڈ اداکارہ کنگنا رناوت کو پاگل کردیا ہے یہاں تک کہ وہ پاکستانی گلوکار علی گل پیر سے بھی الجھ پڑیں لیکن علی گل پیر نے کنگنا کو خاموش کرادیا۔

کنگنا رناوت نے ایک بھارتی نژاد کنیڈین سردار سیاستدان اور وکیل جگمیت سنگھ کی ایک مختصر ویڈیو کلپ اپنے ٹوئٹر اکاؤنٹ پر شیئر کرائی اور جگمیت سنگھ کو دہشت گرد قرار دیتے ہوئے کہا کہ یہ دہشت گرد پورن گلوکارہ (فحش گلوکارہ) ریانا کا دوست ہے۔ اس پر دہشت گردوں کی سرگرمیوں کی مالی معاونت کرنے کا الزام ہے۔ اس کے ذہن میں خالصتان ہے۔ ایک فحش گلوکارہ اسے فالو کرتی ہے جو اس کے لیے بہت بڑی کامیابی ہے۔

یہ بھی پڑھیں: امریکی گلوکارہ ریانا پر پاکستانی ایجنٹ ہونے کا الزام

علی گل پیر نے کنگنا رناوت کے اس ٹوئٹ پر جوابی ٹوئٹ کیا فحش گلوکارہ؟ کیا یہ صرف فحش فلموں کے لیے میوزک بناتی ہے۔ کیا یہ نارمل فلموں میں گانا گانے سے انکار کردے گی؟ مہربانی کرکے اپنی بات کی مزید وضاحت کریں۔ میں متجسس ہوں۔

Porn singer? Is that a singer who makes music for porn films only. They will refuse to sing for normal films? Please explain further. I didn’t know such a niche existed, just curious
— Ali Gul Pir (@Aligulpir) February 3, 2021

کنگنا رناوت نے علی گل پیر کی بات کا جواب دیتے ہوئے اور اپنی بات کو مزید واضح کرتے ہوئے لکھا۔ ایک ایسی گلوکارہ جو اپنے جسم کی نمائش کے بغیر اپنا میوزک بیچ نہیں سکتی۔ ہاں ان کلاسیکل اور حقیقی گلوکاروں کے برعکس جہاں جسم کا کوئی فائدہ نہیں ہوتا۔

https://twitter.com/KanganaTeam/status/1356891798011052032

علی گل پیر نے کنگنا رناوت کو جواب دیتے ہوئے ان پر طنز کیا اور کہا اوہ اچھا میں سمجھ گیا۔ بالکل ان لوگوں کی طرح جن میں کوئی ٹیلنٹ نہیں ہوتا، جنہوں نے زیادہ کام نہیں کیا جوخبروں میں رہنے کے لیے تنازعات میں گھرے رہتے ہیں اور دوسروں کو نیچا دکھاتے ہیں۔ کنگنا آپ کا شکریہ کہ آپ نے فحش گلوکارہ کی اتنی اچھی وضاحت کی۔

علی گل پیر نے بلا واسطہ طور پر وہ سب باتیں بیان کی ہیں جو کنگنا رناوت میں موجود ہیں تاہم کنگنا کی جانب سے مزید کوئی ٹوئٹ نہیں کیا گیا۔

Oh okay! I understand. Like someone who doesn’t have talent, hasn’t done much work and relies on controversy and putting people down to stay in the news. Thanks for clearing it out for me #GoKangana #DiePoorFarmers https://t.co/rNcGP16lNH
— Ali Gul Pir (@Aligulpir) February 3, 2021