بھارت نے پاکستانیوں پر پولیو سرٹیفکیٹ پیش کرنے کی تاریخ میں 14 فروری تک توسیع کردی

14 فروری سے بھارت آنے والے ہر پاکستانی شہری کو پولیو ویکسی نیشن کا سرٹیفیکیٹ پیش کرنا ہوگا، بھارتی ہائی کمیشن


ویب ڈیسک January 03, 2014
یہ پابندی پاکستان سمیت ایسے تمام ممالک پر عائد کی گئی ہے جہاں پولیو سے متاثرہ افراد موجود ہیں، بھارتی ہائی کمیشن فوٹو: فائل

لاہور: بھارت نے پاکستانیوں کو ویزے کے اجرا کے لئے پولیو ویکسی نیشن کا سرٹیفکیٹ پیش کرنے کی تاریخ میں 14 فروری تک توسیع کردی ہے۔

بھارتی ہائی کمیشن کے مطابق پاکستان سے بھارت جانے والے افراد کے لئے پولیو ویکسی نیشن لازمی قرار دے دی گئی ہے اور 14 فروری سے بھارت آنے والے ہر پاکستانی شہری کو پولیو ویکسی نیشن کا سرٹیفیکیٹ پیش کرنا ہوگا۔ ہائی کمیشن کے بیان میں کہا گیا ہے کہ بھارت نے یہ پابندی پاکستان سمیت ایسے تمام ممالک پر عائد کی ہے جہاں پولیو سے متاثرہ افراد موجود ہیں اور جن ممالک میں یہ پابندی عائد کی گئی ہے وہاں رہنے والے بھارتی شہریوں کو بھی بھارت آمد پر یہ سرٹیفکیٹ پیش کرنا ہوگا۔

واضح رہے کہ بھارت کی جانب سے پاکستانی شہریوں کے لئے یہ پابندی 3 ہفتے قبل عائد کی گئی تھی تاہم اس وقت اس کے اطلاق کی تاریخ 30 جنوری رکھی گئی تھی جس میں اب 15 دن کی توسیع کردی گئی ہے۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبول خبریں