پاکستان اور جنوبی افریقا کے درمیان جاری دوسرے ٹیسٹ میچ میں بکی کو گرفتار کرلیا گیا۔

ذرائع کے مطابق پاکستان اور جنوبی افریقا کے درمیان جاری راولپنڈی ٹیسٹ میچ کے دوران دبئی سے پاکستان آنے والے بکی کو گرفتار کرلیا گیا، بکی کو دوسرے ٹیسٹ کے پہلے دن گرفتار کیا گیا اور ایف آئی اے کے حوالے کردیا گیا ہے۔ ذرائع کے مطابق بکی کا نام بلال بتایا جارہا ہے جب کہ بکی ڈی جے کا کارڈ استعمال کرکے گراؤنڈ کے اندر آیا تھا جس کا تعلق یو اے ای سے ہے۔