بھارتی فلم نگری کے ایک اور ستارے نے خودکشی کرلی

چندراسیکر کی پھندا لگی لاش ان کے والد کے اس گھر سے برآمد ہوئی ہے جسے وہ اپنے بزنس کے لیے استعمال کرتے تھے، فوٹوبھارتی میڈیا

---

بھارتی فلموں کے ساؤتھ انڈین اداکار شریواستو چندراسیکر کی پھندا لگی لاش برآمد ہوئی ہے۔

بھارتی میڈیا کے مطابق کئی سپر ہٹ فلموں میں جلوہ گر ہونے والے ساؤتھ انڈین اداکار چندراسیکر نے اپنی زندگی کا خاتمہ کرلیا۔ ان کی پھندا لگی لاش ان کے والد کے اس گھر سے برآمد ہوئی ہے جسے وہ اپنے بزنس کے لیے استعمال کرتے تھے۔

اداکار چندرا سیکر 3 فروری کو اپنے گھر سے یہ کہہ کر نکلے تھے کہ اس دن وہ شوٹنگ کے لیے باہر جارہے ہیں۔ تاہم دیگر میڈیا رپوٹس کے مطابق اداکار اپنی فیملی کے زیرملکیت ایک اور مکان میں گئے تھے اور اسی گھر میں ان کی لاش پائی گئی۔

بھارتی میڈیا رپورٹس کے مطابق اداکار چندراسیکر مبینہ طور پر نفسیاتی مسائل سے دوچار تھے اور ان کا علاج چل رہاتھا۔ اداکار کی اس غیر متوقع موت نے ان مداحوں کو قریبی دوستوں کو غم میں مبتلا کردیا ہے۔ اداکار کی آخری رسومات جمعہ کو ادا کی گئیں۔