راولپنڈی سے 4 مبینہ دہشتگرد اسلحہ سمیت گرفتار
دہشتگردوں سے ملنے والے اسلحے میں 6 دستی بم، کلاشنکوف، 130 گولیاں، ایک پستول اور 10 میگزین شامل ہیں۔
دہشتگردوں سے ملنے والے اسلحے میں 6 دستی بم، کلاشنکوف، 130 گولیاں، ایک پستول اور 10 میگزین شامل ہیں۔ فوٹو: ایکسپریس نیوز/ فائل
تھانہ حسن ابدال پولیس نے سوات سے آنے والے 4 مبینہ دہشت گردوں کو اسلحے سمیت گرفتار کرلیا۔
ایکسپریس نیوز کے مطابق حسن ابدال پولیس چیک پوسٹ پر اہلکاروں سے شک ہونے پر سوات سے آنے والی ایک گاڑی کو روکا جس میں 4 افراد سوار تھے، تلاشی لینے پر گاڑی سے اسلحہ برآمد ہوا جس میں 6 دستی بم، کلاشنکوف، 130 گولیاں، ایک پستول اور 10 میگزین شامل ہیں۔
پولیس ذرائع کے مطابق ملزمان سوات سے راولپنڈی جارہے تھے جبکہ دہشت گردوں کو حراست میں لے کر تفتیش شروع کردی گئی ہے۔