قانون سب کے لیے برابر ہوتا ہے مشرف کو جیل جانا چاہیےآغا سراج درانی

اسپیکر سندھ اسمبلی آغا سراج درانی نے کہا ہے کہ شیر کا شکاری ہوں، بلا کبھی میرے سامنے نہیں آیا، اگر بلا سامنے آیا تو اس کا شکار کروں گا۔


پرویز مشرف لیڈر بننے آئے تھے، قوم نے انھیں مسترد کردیا ہے، جیلیں صرف سویلین کے لیے نہیں، قانون سب کے لیے برابر ہوتا ہے، مشرف کو جیل جانا چاہیے تاکہ انھیں پتہ چل سکے کہ قید و بند کی صعوبتیں کیا ہوتی ہیں۔

ایم کیو ایم کی جانب سے پرویز مشرف کی اچانک حمایت سے لگتا ہے کہ ایم کیو ایم نے ذاتی قربت کے باعث مشرف کی حمایت کی ہے، لندن میں بیٹھ کر قیادت پر ذاتی حملے اچھی روایات نہیں ہے، لگتا ہے کہ مشرف باہر چلا جائے گا، وہ سندھ اسمبلی میں چائنہ پیپلزکانگریس کے وفد سے ملاقات کے بعد میڈیا سے گفتگو کررہے تھے۔