سینیئرپروڈیوسروافسانہ نگاراور ندا یاسر کی والدہ فہمیدہ نسرین انتقال کرگئیں

مارننگ شو میزبان واداکارہ ندا یاسرکی والدہ و افسانہ نگار اور سابق پی ٹی وی پروڈیوسر فہمیدہ نسرین 74 برس کی عمر میں کراچی میں انتقال کرگئیں۔

مارننگ شوہاسٹ واداکارہ ندا یاسرنے انسٹا گرام پراپنے مداحوں کواپنی والدہ کے انتقال کے بارے میں آگاہ کیا۔ اداکارہ نے لکھا کہ ان کی پیاری اورباہمت امی انہیں اکیلا چھوڑ کرچلی گئیں۔


فہمیدہ نسرین پی ٹی وی کے نامور پروڈیوسر کاظم پاشا کی اہلیہ اور معروف ٹیلی وژن میزبان ندا یاسر کی والدہ تھیں۔ وہ 34 سال تک پی ٹی وی سے وابستہ رہیں اور موسیقی پر بہت سے یادگار پروگرام کئے۔

[instagram-post url="https://www.instagram.com/p/CLBdPxRB1kp/"]

انہوں نے جامعہ کراچی سے سوشل ورک میں ایم اے کیا تھا،ان کی نماز جنازہ آج بعد نماز عصرمسجد عثمان نزد انڈس یونیورسٹی فاران کلب عقب نیشنل اسٹیڈیم میں ادا کی گئی جب کہ تدفین طارق روڈ قبرستان میں کی گئی۔ فہمیدہ نسرین کے انتقال کی خبر کے بعد سے لوگوں کی جانب سے تعزیت کا سلسلہ جاری ہے۔