لوگوں کی پی ایس ایل ترانے پر تنقید سمجھ سے بالاتر ہے مہوش حیات

ہم ہمیشہ پرانے انداز پر رہنا چاہتے ہیں، کوئی بھی مختلف انداز اپنانے کو تیار ہی نہیں، مہوش حیات (فوٹو:ٖ فائل)

---

اداکارہ مہوش حیات نے پاکستان سپر لیگ کے نئے ایڈیشن کے ترانے پر تنقید کے جواب میں کہا ہے کہ مجھے سمجھ نہیں آیا کہ لوگوں کو اس گیت سے مسئلہ کیا ہے؟

اداکارہ نے اپنے ٹویٹ میں پی ایس ایل 6 کے آفیشل ترانے کی ویڈیو شیئر کی جس کے ساتھ ہی انہوں نے اس ترانے پر تنقید کرنے والوں کو جواب دیتے ہوئے کہا کہ میں اب تک نہیں سمجھ سکی کہ اس گانے میں لوگوں کو مسٔلہ کیا ہے؟ یہ ترانہ اپنی نوعیت کے لحاظ سے بولڈ اور نئے انداز پر مبنی ہے، مجھے تو پی ایس ایل 2021ء کا گیت بے حد پسند آیا۔

Idk what the fuss is abt? I loved the new #pslanthem2021 .It was bold & fresh! This is what stifles creativity in our country,we always want more of the same & not prepared to accept anything different.This bashing has to stop. We need a diversity of voices & ideas.Well done PSL! https://t.co/hYMuZqkx8D

— Mehwish Hayat TI (@MehwishHayat) February 7, 2021

مہوش حیات نے یہ بھی کہا کہ ہم ہمیشہ پرانے انداز پر ہی رہنا چاہتے ہیں، کوئی بھی مختلف انداز اپنانے کو تیار نہیں، لہذا اس گیت پر تنقید ختم ہونی چاہیے کیوں کہ یہی وہ باتیں ہیں جو کہ ہمارے ملک میں تخلیقی صلاحیتوں کو دباتی ہیں۔



انہوں نے یہ بھی کہا کہ اس وقت ہمیں نت نئی آواز اور خیالات کی ضرورت ہے، ساتھ ہی انہوں نے ویل ڈن پی ایس ایل بھی لکھا۔

یہ پڑھیں: پی ایس ایل کے نئے ترانے نے شائقین کرکٹ کو پھر مایوس کردیا، سوشل میڈیا پر تنقید

واضح رہے کہ سپر لیگ 6 کے ترانے میں نصیبو لعل، آئمہ بیگ اور ینگ اسٹنر گروپ نے فن کا مظاہرہ کیا ہے تاہم وہ صارفین کو متاثر کرنے میں ناکام رہے۔ ترانے پر شدید تنقید ہوئی یہاں تک کہ ٹویٹر پر گانے سے متعلق ناپسندیدگی ٹاپ ٹرینڈ بھی بن گئی تھی۔