افغانستان میں 2 مختلف واقعات میں 4 سیکیورٹی اور 4 حکومتی اہلکار ہلاک

واقعے کی تحققیات جاری ہیں اور اب تک کسی گروپ نے ذمہ داری قبول نہیں کی، افغان پولیس - فوٹو: افغان میڈیا

---

افغانستان میں دو مختلف واقعات میں 4 سیکیورٹی اہلکار اور 4 حکومتی اہلکار ہلاک ہوگئے ہیں۔

افغانستان کے دارالحکومت کابل کے علاقے باغ داود میں نامعلوم افراد کی جانب سے ایک گاڑی پر اندھادھند فائرنگ کی گئی جس کے نتیجے میں گاڑی کے اندر موجود 4 حکومتی اہلکار ہلاک ہوگئے۔

Four Govt Employees Killed in #Kabul#Afghanistan https://t.co/ZFZuT3eX1p pic.twitter.com/R6rvF9XhAw

— TOLOnews (@TOLOnews) February 9, 2021

کابل پولیس کا کہنا ہے کہ واقعے کی تحققیات کی جارہی ہیں تاہم اب تک کسی گروپ کی جانب سے واقعے کی ذمہ داری قبول نہیں کی گئی ہے۔

دوسری جانب افغانستان کے صوبہ ہرات میں سڑک کنارے نصب بم پھڑنے سے پبلک پروٹیکشن فورس کے 4 اہلکار ہلاک ہوگئے ہیں۔

Four Security Force Members Killed in Herat Roadside Bomb Blast#Afghanistan https://t.co/n7BGsIa20x pic.twitter.com/vTjSmVejAp

— TOLOnews (@TOLOnews) February 9, 2021

ہرات کے گورنر وحید قتالی نے واقعے کی تصدیق کرتے ہوئے کہا کہ پبلک پروٹیکشن فورس کے اہلکار پیٹرولنگ پر تھے اس دوران سڑک کنارے نصب بم پھٹنے سے 4 اہلکار ہلاک اور ایک شدید زخمی ہوا جسے قریبی اسپتال میں طبی امداد دی جارہی ہے تاہم اس کی حالت تشویشناک ہے۔