متحدہ قومی موومنٹ کی رابطہ کمیٹی کے ڈپٹی کنوینر ڈاکٹر خالد مقبول صدیقی نے کہا ہے کہ الطاف حسین نے جوکہا ہے سچ کہا ہے ،الطاف حسین زہرکا پیالہ پی سکتے ہیں ۔

لیکن سچ سے پیچھے نہیں ہٹ سکتے ،الطاف حسین کی حیدر آباد جلسے کی تقریر کو سیاق و سباق سے ہٹا کر پیش کیا گیا ہے ،تعصب کی عینک اتارکر دیکھا جائے ،حقیقت یہ ہے کہ سندھ کے شہریوں میں وسائل برابری کی بنیاد پر تقسیم نہیں ہوئے ہیں ،وہ جمعہ کی شب الہ دین پارک سے متصل گراؤنڈ میں میڈیا سے بات چیت کررہے تھے ،انھوں نے کہاکہ حیدر آباد کے بعدکل (اتوار) کوکراچی میں بھی تاریخی جلسہ منعقد کیا جائے گا ۔