سائٹ پولیس کا بینک سے 5 لاکھ روپے سے زائد نکلوانے پر سیکیورٹی دینے کا فیصلہ

اس سلسلے میں سائٹ کے تمام بینکوں کے باہرآگاہی پوسٹر بھی چسپاں کر دیئے گئے ہیں۔ (فوٹو فائل)

---

سائٹ ڈویژن پولیس نے بڑااورانوکھااقدام کرتے ہوئے سائٹ ایریا میں بینک سے5 لاکھ سے زائد رقم نکلوانے والوں کو پولیس سیکیورٹی فراہم کرنے کا فیصلہ کیا ہے۔

تفصیلات کے مطابق سائٹ ڈویژن پولیس نے ا صنعتی علاقے میں اسٹریٹ کرائم کی وارداتوں پر قابو پانے کےلیے ایک بڑااورانوکھا قدم اٹھایا ہے سائٹ ایریا میں کسی بھی بینک سے5 لاکھ سے زائد رقم نکلوانے والوں کوپولیس سکیورٹی فراہم کرنے کا فیصلہ کیا ہے۔

اس سلسلے میں تمام بینکوں کے باہرآگاہی پوسٹر بھی چسپاں کر دیئے گئے ہیں جن میں ایس ایچ اوسائٹ اے،ایس ایچ اوسائٹ بی،ہیڈ محرران اورسائٹ بیس کے نمبردرج ہیں۔ اس فیصلے کے بعد شہری فون کال کر کے سیکورٹی اسکواڈ طلب کرسکتے ہیں۔

سائٹ صنعتی ایریا میں اسٹریٹ کرائم کی وارداتوں پر قابو پانے کے لیے بینک ایریازاوردیگر علاقوں میں سی سی ٹی وی کیمروں کی تنصیب بھی عمل میں لائی جا رہی ہے۔

سائٹ پولیس حکام کے مطابق شہریوں کو سکیورٹی فراہم کرنے کے سہولت صرف سائٹ ایریا کے دونوں تھانوں کی حدود تک ہےاگر کوئی شہری سائٹ ایریا کے کسی بینک سے5 لاکھ سے زائد رقم نکلوتا ہے اوروہ رقم سائٹ ایریا یعنی سائٹ ایریا کے دونوں تھانوں کی حدودسے باہرکسی ایریا لیے جانا چاہتا ہے تواسے سیکیورٹی فراہم نہیں کی جائے گی۔

انھوں نے بتایا کہ شہریوں کو سیکیورٹی میں موٹر سائیکل اورپولیس موبائل اسکواڈ فراہم کیا جائے گا۔ سائٹ ایریا میں تام ہاٹ اسپاٹ اوراہم مقامات پرسی سی ٹی وی کمیرے بھی لگائے جا رہے ہیں اوراس سلسلے میں تمام فیکٹریوں اور گوداموں کی اتنظامیہ کو ہدایت بھی کی گئی ہے۔