افغانستان کے صوبہ ننگرہار میں دھماکے 2 افراد ہلاک 5 زخمی

اب تک کسی گروپ کی جانب سے دھماکے کی ذمہ داری قبول نہیں کی گئی - فوٹو: افغان میڈیا

---

ننگرہار میں دو مختلف مقامات پر دھماکوں میں 2 افراد ہلاک اور 5 زخمی ہوگئے ہیں۔

افغان میڈیا رپورٹس کے مطابق افغانستان کے صوبہ ننگرہار کے ضلع کاما میں ایک گاڑی کو دھماکے کے ذریعے نشانہ بنایا گیا جس کے نتیجے میں ایک شخص ہلاک اور ایک زخمی ہوگیا جسے طبی امداد کے لیے قریبی اسپتال منتقل کردیا گیا ہے۔

Two Civilians Killed, Five Wounded in Nangarhar Blasts#Afghanistan https://t.co/9yTm4QCW3l pic.twitter.com/Tj98buzAeV

— TOLOnews (@TOLOnews) February 11, 2021

ننگرہار کے ضلع بہسود میں سڑک کنارے نصب بم پھٹنے سے متعدد شہری اس کی زد میں آگئے جن میں سے ایک شہری موقع پر ہی ہلاک ہوگیا جب کہ زخمی ہونے والے 4 افراد کو فوری طور پر اسپتال منتقل کردیا گیا۔

دوسری جانب اب تک کسی گروپ کی جانب سے دھماکے کی ذمہ داری قبول نہیں کی گئی ہے۔