فنکار برادری نصیبو لعل کی حمایت میں میدان میں آگئی

’’گروو میرا‘‘ جب سے ریلیز ہوا ہے اسی وقت سے گانے کو شدید تنقید کا سامنا کرنا پڑرہا ہے۔ فوٹوفائل

---

شوبز فنکار پی ایس ایل 6 کے ترانے پر ہونے والی تنقید کے بعد گلوکارہ نصیبو لعل کی حمایت میں میدان میں آگئے۔

پاکستان سپر لیگ کے چھٹے سیزن کا ترانہ ''گروو میرا'' جب سے ریلیز ہوا ہے اسی وقت سے گانے کو شدید تنقید کا سامنا کرنا پڑرہا ہے۔ یہاں تک کہ اپنی ریلیز والے دن یہ ترانہ ٹوئٹر پر تقریباً پورا دن ٹاپ ٹرینڈ میں رہاتھا۔

لوگوں نے گانے پر تنقید کرتے ہوئے ایک بار پھر اس بات پر اعتراض کیا ہے کہ اس بار کا ترانہ بھی علی ظفر کے بجائے دوسرے گلوکاروں نے کیوں گایا۔ جب کہ بہت سے لوگوں نے نصیبو لعل پر اعتراض کیا کہ ان کی آواز پی ایس ایل کے ترانے کے لیے موزوں نہیں۔

سوشل میڈیا پر نصیبو لعل پر ہونے والی تنقید کے بعد شوبز فنکار نصیبولعل کی حمایت میں آگے آئے ہیں۔ اداکار فیصل قریشی نے لکھا ہم کب چیزوں کو اس کے تناظر میں رکھنا سیکھیں گے اور اس کے مطابق ردعمل ظاہر کریں گے۔ گانے پر نفرت دکھائی جارہی ہے؟ فیصل قریشی نے لوگوں کو کھیل کو کھیل کی طرح لینے کا مشورہ دیتے ہوئے کہا چھوٹی چھوٹی چیزوں کا جشن منائیں۔ مجھے ذاتی طور پر لگتا ہے کہ نصیبو لعل جو لوگوں میں بے حد مقبول ہیں اپنے اونچے سروں اور ''گروو'' سے اسٹیڈیم میں چھا جائیں گی۔

When will we learn to take things in perspective and react accordingly . Song getting hate ? Lets go with the spirit of sports and celebrate little things . I personally think Naseebo Lal who is very popular with masses will Rock the stadium with her 'groove' and high notes .

— Faysal Quraishi (@faysalquraishi) February 11, 2021

اداکار عدنان صدیقی بھی نصیبولعل کی سپورٹ میں آگے آئے ہیں۔ انہوں نے ٹوئٹر پر لکھا ہم سب سے آخری چیز جو اپنے آرٹسٹوں کے لیے کرسکتے ہیں وہ ہے انہیں عزت دینا۔ کسی پر بھی تنقید کرنا اور کسی کی محنت کو ذراسی دیر میں ٹکڑے ٹکڑے کردینا بہت آسان ہے۔ کیسے آپ نصیبو لعل کے گائے ہوئے گانے بھول گئے جو انہوں نے ہمیں دئیے۔ ''گروو میرا'' اتنی زیادہ تنقید کامستحق نہیں ہے۔

Least we can do for our artists is respect them. It’s very easy to be keyboard warriors and shred someone’s hard work to pieces. How ungrateful to forget so conveniently all the melodious songs Naseebo Lal has given us. #groovemera doesn’t deserve to be trolled like this🙏🏽

— Adnan Siddiqui (@adnanactor) February 10, 2021

[instagram-post url="https://www.instagram.com/p/CLHGHC_oVWn/"]