داتا دربار پر حاضری سب سے بڑی تمنا ہے بھارتی گلوکار سکھویندر

پوری دنیا گھوم چکا ہوں مگر مجھے سب سے زیادہ خوشی پاکستان آنے پر ہو گی، بھارتی گلوکار

Javed Yousuf January 05, 2014

رب سے دعا کی ہے کہ نئے سال داتا سرکار پر حاضری کی خواہش پوری کر دے، سکھبیر فوٹو: فائل

بھارتی گلوکار سکھبیر کا کہنا ہے کہ انہوں نے رب سے دعا کی ہے کہ نئے سال داتا سرکار پر حاضری کی خواہش پوری کر دے، جس کے لیے ابھی سے شیڈول بنانا شروع کر دیا ہے۔

ممبئی سے ٹیلیفون پر ''نمائندہ ایکسپریس'' کے ساتھ بات چیت کرتے ہوئے سکھویندر نے کہا کہ پوری دنیا گھوم چکا ہوں، مگر مجھے سب سے زیادہ خوشی پاکستان آنے پر ہو گی ، جب کبھی پاکستان سے کوئی ٹیلیفون، ای میلز ایس ایم ایس آجائے یا کوئی پاکستانی پرستار مل جائے تو ''سوں رب دی'' دلی سکون اور خوشی محسوس کرتا ہوں۔

photo 3_zps4c433214.jpg

میرے بزرگوں کی لاہور اور ننکانہ صاحب سے بڑی یادیں وابستہ ہیں، دربار پر حاضری دینا سب سے بڑی تمنا ہے، جس دن میرا یہ خواب پورا ہو گیا تو زندگی کا مقصد پورا ہو جائے گا۔ نئے سال کے شیڈول میں پاکستان آنے کا پروگرام شامل کر لیا ہے، اس حوالے سے صرف تاریخ فائنل کرنی ہے۔