سرفراز احمد سے محمد رضوان کی تعریف ہضم نہ ہوسکی

رضوان تمام فارمیٹس میں سنچری کرنے والے پاکستان کے پہلے اور دنیا کے دوسرے وکٹ کیپر ہیں

---

قومی ٹیم کے سابق کپتان سرفراز احمد سے وکٹ کیپر بلے باز محمد رضوان کی تعریف ہضم نہ ہوئی۔

جنوبی افریقا کے خلاف پہلے ٹی ٹوئنٹی میچ میں شاندار سنچری کی بدولت پاکستان کو کامیابی سے ہمکنار کروانے والے وکٹ کیپر بلے باز محمد رضوان انگلینڈ، نیوزی لینڈ اور جنوبی افریقا کے خلاف ٹیسٹ اور ٹی ٹوئنٹی میچوں میں زبردست کارکردگی پر دنیا بھر سے تعریفیں سمیٹ رہے ہیں۔

اس خبر کو بھی پڑھیں؛ محمد رضوان کے بیٹ سے کئی ریکارڈز چکناچور

یہی نہیں محمد رضوان نے ٹی ٹوئنٹی میں تھری فیگر اننگز کھیل کر تمام فارمیٹس میں سنچری بنانے والے پہلے پاکستانی اور برینڈن میک کولم کے بعد دنیا کے دوسرے وکٹ کیپر بلے باز ہونے کا اعزاز بھی اپنے نام کیا اور ان کے اس ریکارڈ پر قومی ٹیم کے ٹی ٹوئنٹی اسپیشلسٹ محمد حفیظ نے کھل کر تعریف کی۔

1st 🇵🇰 wicketkeeper to score a T20I century

5th wicketkeeper in the world to hit a T20I century

2nd 🇵🇰 player to hit a century in all three formats in International cricket

2nd wicketkeeper in the world to hit a century in all three formats in International cricket#PAKvSA pic.twitter.com/grfFrKHgkj

— Pakistan Cricket (@TheRealPCB) February 12, 2021

سماجی رابطے کی ویب سائٹ پر اپنی ٹوئٹ میں گزشتہ سال ٹی ٹوئنٹی کے ٹاپ اسکورر محمد حفیظ نے رضوان کو سنچری بنانے پر مبارکباد دیتے ہوئے کہا کہ آپ چمکتے ہوئے ستارے ہیں لیکن مجھے حیرت ہوتی ہے کہ آپ کو کب تک یہ ثابت کرنے کی ضرورت ہے کہ آپ کرکٹ کے تمام فارمیٹس میں پاکستان کے نمبرون وکٹ کیپر بیٹسمین ہیں۔

Hafeez bhai Sb, whoever has played for Pakistan from Imtiaz Ahmed, Wasim Bari, Tasleem Arif to Saleem Yousuf and from Moin Khan, Rashid Latif to Kamran Akmal and even Rizwan right now has always been number ONE for the country and have been respected accordingly. https://t.co/dF7BScOurl

— Sarfaraz Ahmed (@SarfarazA_54) February 12, 2021

حفیظ کی جانب سے محمد رضوان کے حق میں یہ تعریفی کلمات سابق کپتان سرفراز احمد سے برداشت نہ ہوئے اور انہوں نے جواب میں کہا ''حفیظ بھائی صاحب! امتیاز احمد، وسیم باری، تسلیم عارف، سلیم یوسف، معین خان اور راشد لطیف سے لے کر کامران اکمل اور اب محمد رضوان تک جو بھی پاکستان کے لیے کھیلا وہ نمبر ون ہی رہے ہیں اور اسی کے مطابق ان کی عزت کی جاتی ہے۔

🎶 I get wings to fly 🎶#HarHaalMainCricket | #BackTheBoysInGreen pic.twitter.com/BWo16XnhQr

— Pakistan Cricket (@TheRealPCB) February 12, 2021

واضح رہے محمد رضوان نے صرف بیٹنگ میں ہی نہیں بلکہ وکٹ کیپنگ میں بھی خود کو منوایا ہے۔