طالبہ کو جنسی زیادتی کے بعد قتل کرنے والا سیریل کلر گرفتار

ملزم نے پہلے طالبہ کو نشہ آور مشروب پلا کر بے ہوش کیا تھا، فوٹو : اے ایف پی

---

امریکا میں یونیورسٹی کی 21 سالہ طالبہ کو جنسی زیادتی کے بعد قتل کرکے لاش ندی میں پھینکنے والے جنسی درندے کو گرفتار کرلیا گیا ہے۔

عالمی خبر رساں ادارے کے مطابق امریکا میں ایک ندی سے 21 سالہ طالبہ لیبی اسکوائر کی لاش ملی تھی، طبی معائنے میں انکشاف ہوا کہ طالبہ کو زیادتی کے بعد تشدد کرکے قتل کیا گیا۔

پولیس نے سی سی ٹی فوٹیجز کی مدد سے ملزم کا سراغ لگا لیا، 26 سالہ پویل ریلووس دو بچوں کا باپ تھا جو قصائی کی حیثیت سے کام کرتا تھا۔ ملزم نے اعترافی بیان میں اپنا جرم قبول کرلیا۔ پولیس نے عدالت میں چارج شیٹ جمع کرادی ہے۔

26 سالہ پویل ریلووس نے اس سے قبل جولائی 2017 سے 20 جنوری 2019 کے درمیان 9 خواتین کے ساتھ جنسی زیادتی کی اور زیادہ تر کو موت کے گھاٹ اتار دیا تھا جب کہ گزشتہ ماہ اپنی گلی کی ایک عورت کے سامنے خود کو برہنہ کردیا تھا۔

پولیس کا کہنا ہے کہ جنسی درندے کو سخت سے سخت سزا دلوائی جائے گی۔