کراچی گلشن حدید میں لڑکی سے اجتماعی زیادتی کرنے والے 3 ملزمان گرفتار

دیگر کئی ملزمان فرار ہیں، لڑکی ملزمان کو سامنے آنے پر شناخت کرسکتی ہے، ایس ایس پی عرفان بہادر (فوٹو : فائل)

---

SWITZERLAND: اسٹیل ٹاؤن گلشن حدید میں اسکول ہیڈ ماسٹر کی جواں سال بیٹی کو اجتماعی زیادتی کا نشانہ بنانے والے تین ملزمان کو پولیس نے گرفتار کرلیا بقیہ کی تلاش میں چھاپے جاری ہیں۔

ایس ایس پی ضلع ملیر عرفان بہادر نے بتایا کہ متاثرہ لڑکی کے بیان کی روشنی اور نشاندہی پر پولیس 3 ملزمان کو گرفتار کرچکی ہے جبکہ اس واقعے میں دیگر ملزمان کی تلاش جاری ہے۔

عرفان بہادر نے بتایا کہ اجتماعی زیادتی کا نشانہ بنائی جانے والی نوجوان لڑکی نے ابتدائی طور پر ملزمان سمیع اور فواد کے علاوہ دیگر ملزمان کی موجودگی کا بھی انکشاف کرتے ہوئے پولیس کو بتایا تھا کہ وہ ملزمان کو سامنے آنے پر شناخت کرسکتی ہے جس کے بعد پولیس نے تیسرے ملزم عادل کو بھی گرفتار کرلیا۔

پولیس افسر نے کہا کہ متاثرہ لڑکی کے والد سلیمان راجپر کی جانب سے درج کرائے گئے مقدمے میں بھی اس بات کی نشاندہی کی ہے کہ گرفتار ملزمان سمیع اور فواد کے علاوہ دیگر 2 سے 3 ملزمان وہاں پر موجود تھے جنھیں ان کی بیٹی سامنے آنے پر شناخت کر سکتی ہے۔

ایس ایس پی ملیر عرفان بہادر نے مزید کہا کہ پولیس متاثرہ خاندان سے رابطے میں ہے اور انھیں اپنے ہرممکن تعاون کی یقین دہانی کرائی ہے ، واقعہ بہت حساس نوعیت کا ہے اس لیے پولیس تمام ٹھوس شواہد جمع کر رہی ہے تاکہ گرفتار ملزمان کو سزا دلائی جا سکے۔