’’سیو دی چلڈرن‘‘ کوپاکستان میں کام کرنے دیا جائےامریکا

ISLAMABAD:
امریکی محکمہ خارجہ کے قائم مقام ترجمان پیٹرک وینٹرل نے کہا ہے کہ این جی او ''سیو دی چلڈرن'' کو پاکستان میں کام کرنے دیا جائے۔


یہ معاملہ سفارتی اور دیگر ذرائع سے اٹھایا جائے گا۔ نجی ٹی وی کے مطابق وینٹرل نے کہا کہ دیگر ڈونر ممالک کی طرح امریکا بھی پاکستان میں ''سیو دی چلڈرن'' کے کام کی بھرپور حمایت کر تا ہے۔ ہمیں ''سیو دی چلڈرن'' کا کام بند ہونے پر شدید تشویش ہے، ہم نے حکومت پاکستان سے بات کی ہے اور زور دیا ہے کہ اس تنظیم کا اہم کام جاری رکھا جائے۔ صحت مند جمہوریت کے فروغ کیلئے آزاد این جی اوز نا گزیر ہوتی ہیں۔ ہم حکومت پاکستان پر زور دیں گے کہ دیگر ممالک کی طرح تعمیری فضا اور ماحول پیدا کیا جائے۔