پاکستان نے جنوبی افریقا کو 4 وکٹوں سے ہرادیا ۔ فوٹو : کرکٹ پاکستان
لاہور میں کھیلے گئے تیسرے اور فیصلہ کُن ٹی ٹوئنٹی میچ میں پاکستان نے 165 رنز کا ہدف حاصل کرتے ہوئے جنوبی افریقا کو 4 وکٹ سے شکست دے دی۔
Pakistan thrash South Africa in final T20I; win series 2-1
— PCB Media (@TheRealPCBMedia) February 14, 2021
More: https://t.co/VX8rcL3Rfx#PAKvSA | #HarHaalMainCricket pic.twitter.com/i0z92d2pDb
قومی ٹیم کی جانب سے حیدر علی اور محمد رضوان نے اننگز کا آغاز کیا۔ پاکستان کی پہلی وکٹ 51 رنز پر گری جس میں حیدر علی 15 رنز بناکر آؤٹ ہوگئے۔ دوسری وکٹ 73 رنز پر گری اور محمد رضوان 42 رنز پر شمسی کے ہاتھوں آؤٹ ہوئے، ان کے بعد حسین طلعت آئے اور 5 رنز پر پویلین لوٹ گئے جب کہ کپتان بابر اعظم 44 رنز بنا کر پریٹوریئس کے ہاتھوں آؤٹ ہوئے۔
— Pakistan Cricket (@TheRealPCB) February 14, 2021
دیگر کھلاڑیوں میں آصف علی 7 اور فہیم اشرف 10 رنز پر پویلین لوٹ گئے۔ محمد رضوان کو سیریز کے بہترین کھلاڑی کا ایوارڈ دیا گیا، محمد رضوان نے تین میچوں میں 197 رنز بنائے ۔
https://twitter.com/TheRealPCB/status/1360994404698230784
پاکستان کرکٹ ٹیم کا بڑا اعزاز
پاکستان کرکٹ ٹیم کو سیریز جیتنے کے بعد بڑا اعزاز بھی مل گیا، ٹی 20 انٹر نیشنل کرکٹ میں پاکستان کی فتوحات کی سنچری مکمل ہوگئی جس کے بعد پاکستان ٹی ٹوئنٹی کرکٹ میں فتوحات کی سنچری مکمل کرنے والا پہلا ملک بن گیا۔
Pakistan's 100th win in T20I cricket!
— Pakistan Cricket (@TheRealPCB) February 15, 2021
Highlights 👉 https://t.co/7oFKzR1EXw#PAKvSA | #HarHaalMainCricket | #BackTheBoysInGreen pic.twitter.com/McwNu4GGtq
چیئرمین پی سی بی
چیئرمین پی سی بی احسان مانی نے قومی کرکٹ ٹیم کی فتح پر کہا ہے کہ پاکستان کی کامیابی ٹیم ورک اور مشترکہ محنت کا ثمر ہے، محمد رضوان نے کرکٹ شائقین کے دل جیت لیے، نیوزی لینڈ سے شکست کے بعد جس طرح قومی ٹیم نے کم بیک کیا وہ ان کی صلاحیتوں کا منہ بولتا ثبوت ہے، کرکٹ فینز پاکستان کرکٹ ٹیم سے ملک کے اندر اور باہر ایسی ہی کارکردگی کی توقع رکھتے ہیں۔
یہ بھی پڑھیں :''یہ میں ہوں، یہ میری ٹیم ہے اور ہم سیریز جیتنے کے بعد پاوری کررہےہیں''
اس سے قبل پاکستان نے ٹاس جیت کر جنوبی افریقا کو بیٹنگ کی دعوت دی، جنہوں نے پاکستان کے خلاف مقررہ 20 اوورز میں 8 وکٹوں کے نقصان پر 164 رنز بنائے۔
جنوبی افریقا کی جانب سے ریزا ہنڈرکس اور جے جے سمٹس نے اننگز کا آغاز کیا تاہم دونوں بیٹسمین زیادہ دیر کریز پر نہ ٹک سکے اور محمد نواز نے دونوں کو پویلین کی راہ دکھائی۔
یہ ہماری ٹیم ہے
— Pakistan Cricket (@TheRealPCB) February 14, 2021
اور
یہ ہماری سیلیبریشن ہو رہی ہے 🙌 #PAKvSA | #HarHaalMainCricket | #BackTheBoysInGreen pic.twitter.com/69LrEJhF24
جس کے بعد تیسرے نمبر پر آنے والے وین بلجون بھی 16 رنز پر آؤٹ ہوگئے، ان کے بعد کلاسین آئے اور صفر پر پویلین لوٹ گئے جب کہ میلان 27 پر آؤٹ ہوئے۔ دیگر کھلاڑیوں میں اینڈیئل بھی صفر، ڈیوائن 9 اوربجورن 10 رنز پر پویلین لوٹ گئے۔
پاکستان کی بالنگ سائیڈ میں زاہد محمود نے 3، محمد نواز اور حسن علی نے 2، 2 جب کہ عثمان قادر نے ایک وکٹیں حاصل کی۔
واضح رہے کہ تین میچوں کی سیریز میں ایک ایک میچ سے برابر ہے اور آج اس کا فیصلہ کُں میچ لاہور میں ہورہا ہے۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔