سوشل میڈیا پرخیبرپختونخوا اسمبلی کی خاتون رکن کی ٹک ٹاک ویڈیوکا چرچہ

ہزاروں صارفین کا ٹک ٹاک ویڈیو بنانے والی خاتون کو مومنہ باسط کہہ کر پکارنے لگے: فوٹو: فائل

---

سوشل میڈیا پرایک خاتون کی ٹک ٹاک وڈیو کے چرچے ہیں جو خیبر پختونخوا سے تحریک انصاف کی رکن صوبائی اسمبلی مومنہ باسط کی جڑواں بہن ہیں تاہم صارفین خاتون کو مومنہ باسط ہی سمجھ رہے ہیں۔

سوشل میڈیا پر ایک ٹک ٹاک ویڈیو میں موجود خاتون کی خوبصورتی کے خوب چرچے کیے جارہے ہیں، اس وڈیو میں قدرے مغربی لباس پہنے ایک خاتون اپنے چہرے پرماسک لگائے ہوئے ہیں، دبئی میں بنائی گئی اس وڈیو میں ایک ہیئرڈریسر خاتون کے بال سنوار رہا ہے جب کہ پس منظر میں ایک گانا بھی سنا جاسکتا ہے۔

وڈیو کو دیکھ کر ایسا لگتا ہے کہ اس میں نظر آنے والی خاتون کوئی اورنہیں بلکہ تحریک انصاف کی رکن خیبر پختونخوا اسمبلی مومنہ باسط ہیں۔ درحقیقت یہ خاتون مومنہ باسط نہیں بلکہ ان کی جڑواں بہن اقصیٰ باسط ہیں، جو ہو بہو ان ہی کی طرح نظر آتی ہیں۔

سوشل میڈیا صارفین کی اکثریت اقصیٰ باسط کو مومنہ باسط سمجھ کر ان کی خوبصورتی سے متعلق دلچسپ تبصرت کررہی ہے۔ اس کے علاوہ یہ وڈیو ناصرف پسند کی جارہی ہے بلکہ اسے مختلف سوشل میڈیا پلیٹ فارمز پر شیئر بھی کیا جارہا ہے۔

https://twitter.com/LazyHammad/status/1361250528626376704