گلوکارہ نکی مناج کے والد کار حادثے میں ہلاک
پولیس نے ٹکر مار کر فرار ہونے والے ڈرائیور کی شناخت کے لیے عینی شاہدین سے تعاون کی اپیل کی ہے
کار ڈرائیور ٹکر مارنے کے بعد فرار ہوگیا تھا، فوٹو : فائل
عالمی شہرت یافتہ ریپر سنگر نکی مناج کے والد چہل قدمی کے دوران تیز رفتار کار کی ٹکر سے ہلاک ہوگئے۔
عالمی خبر رساں ادارے کے مطابق نکی مناج کے والد کو امریکی علاقے لونگ آئی لینڈ میں تیز رفتار کار نے گزشتہ روز اس وقت ٹکر ماری جب وہ پیدل جا رہے تھے۔ 62 سالہ رابرٹ مراج کو شدید زخمی حالت میں اسپتال منتقل کیا گیا تھا۔
اسپتال انتظامیہ نے میڈیا کو بتایا کہ رابرٹ مراج کا علاج جاری تھا تاہم گہری چوٹوں اور زیادہ خون بہہ جانے کے باعث وہ جانبر نہ ہوسکے۔ میت کو ضروری کارروائی کے بعد لواحقین کے حوالے کردیا گیا۔
گلوکارہ نکی مناج کے ترجمان نے والد رابرٹ مراج کی کار حادثے میں ہلاکت کی تصدیق کی ہے تاہم کوئی بیان جاری نہیں کیا گیا ہے۔ نکی مناج اس وقت امریکا میں ہی ہیں اور چار ماہ قبل ہی ان کے یہاں بچے کی پیدائش ہوئی ہے۔
پولیس نے ٹکر مارنے کے بعد فرار ہونے والے کار ڈرائیور کی شناخت کے لیے واقعے کے عینی شاہدین سے تعاون کی اپیل کی ہے جب کہ ملزم کی گرفتار کے لیے سی سی ٹی وی فوٹیجز سے بھی مدد لی جارہی ہے۔
عالمی خبر رساں ادارے کے مطابق نکی مناج کے والد کو امریکی علاقے لونگ آئی لینڈ میں تیز رفتار کار نے گزشتہ روز اس وقت ٹکر ماری جب وہ پیدل جا رہے تھے۔ 62 سالہ رابرٹ مراج کو شدید زخمی حالت میں اسپتال منتقل کیا گیا تھا۔
اسپتال انتظامیہ نے میڈیا کو بتایا کہ رابرٹ مراج کا علاج جاری تھا تاہم گہری چوٹوں اور زیادہ خون بہہ جانے کے باعث وہ جانبر نہ ہوسکے۔ میت کو ضروری کارروائی کے بعد لواحقین کے حوالے کردیا گیا۔
گلوکارہ نکی مناج کے ترجمان نے والد رابرٹ مراج کی کار حادثے میں ہلاکت کی تصدیق کی ہے تاہم کوئی بیان جاری نہیں کیا گیا ہے۔ نکی مناج اس وقت امریکا میں ہی ہیں اور چار ماہ قبل ہی ان کے یہاں بچے کی پیدائش ہوئی ہے۔
پولیس نے ٹکر مارنے کے بعد فرار ہونے والے کار ڈرائیور کی شناخت کے لیے واقعے کے عینی شاہدین سے تعاون کی اپیل کی ہے جب کہ ملزم کی گرفتار کے لیے سی سی ٹی وی فوٹیجز سے بھی مدد لی جارہی ہے۔