ذوالفقارعلی بھٹو کی 86 ویں سالگرہ آج منائی جارہی ہے

بلاول ہاؤس کراچی سمیت ملک بھر میں اجتماعات، گڑھی خدا بخش میں فاتحہ خوانی ہو گی

Numainda Express/staff Reporter January 05, 2014

بھٹوشہید کے مشن کو منزل تک پہنچائیں گے، سابق صدر زرداری اوروزیر اعلیٰ کے پیغامات۔ فوٹو: فائل

WASHINGTON: پیپلزپارٹی کے رہنما سابق وزیر اعظم ذوالفقار علی بھٹو کی 86 ویں سالگرہ آج جوش و خروش سے منائی جارہی ہے۔

گڑھی خدا بخش میں ان کے مزار پر قرآن خوانی ہو گی، بلاول ہاؤس کراچی سمیت ملک بھر میں سالگرہ کے حوالے سے اجتماعات منعقدہوں گے، جن میں سالگرہ کے کیک کاٹے جائیں گے اور پارٹی رہنما شہید ذوالفقار علی بھٹو کو خراج عقیدت پیش کریں گے۔ آئی این پی کے مطابق پنجاب سیکریٹریٹ بالمقابل باڑہ مارکیٹ لیاقت روڈ راولپنڈی میں شام4 بجے فکر بھٹو اور آج کی سیاست کے موضوع پر سیمینار منعقد ہوگا۔ اسلام آباد سے نمائندہ ایکسپریس کے مطابق قائد عوام شہید ذوالفقار علی بھٹو کی سالگرہ کے موقع پر اپنے پیغام میں سابق صدرآصف علی زرداری نے قائد عوام کو زبردست خراجِ عقیدت پیش کرتے ہوئے ان کے نام کی نسبت سے انھیں حضرت علی کی تلوار اور عظیم شخصیت قرار دیا۔

photo 3_zps2a595b7e.jpg

انھوں نے کہا کہ آئیں قائدعوام کی اس یوم ولادت یہ عہد کریں کہ ڈکٹیٹروں سے ان کے کرتوت کا حساب لیں گے اور انھیں قانون سے بھاگنے نہیں دیا جائے گا، بھٹو ان تمام لوگوں کے دلوں میں زندہ ہے جو اس بات پر یقین کامل رکھتے ہیں کہ برداشت ، آزادی، وقار اور سب کے لیے مساوی مواقع ہی انسانی ترقی کو یقینی بنا سکتے ہیں۔کراچی سے اسٹاف رپورٹرکے مطابق شہید ذوالفقار علی بھٹو کی 86ویں سالگرہ پر اپنے پیغام میںوزیراعلیٰ سندھ سید قائم علی شاہ نے کہا کہ اگر شہید ذوالفقار علی بھٹو کو شہید نہ کیا جاتا تو آج پاکستان کا شمار دنیا کے امیر ترین ملکوں میں ہوتا۔