رنویر سنگھ کو ایوارڈ ملنے پر شاہد کپور غصے میں آپے سے باہر ہوگئے

ایوارڈ نہ ملنے پر شاہد کپور نے پرفارم بھی نہیں اور شو ادھورا چھوڑ کر چلے گئے

---

بہترین اداکار کا ایوارڈ رنویر سنگھ کو ملنے پر شاہد کپور غصے میں شو چھوڑ کر چلے گئے۔

2019 میں ریلیز ہونے والی بھارتی فلم 'کبیر سنگھ' میں شاہد کپور کی اداکاری نے نہ صرف ہر ایک کو ان کا مداح بنادیا تھا بلکہ باکس آفس کو بھی گھماکر رکھ دیا تھا جب کہ فلم بلاک بسٹر ثابت ہوئی تھی۔

فلم کی ریلیز کے بعد ایوارڈ فنکشن کے آرگنائزر کی جانب سے شاہد کپور کو بہترین اداکار کا ایوارڈ دینے کا کہا گیا جب کہ اسی ایوارڈ میں شاہد کپور کو خود بھی پرفارم کرنا تھا، شاہد کپور نے ایوارڈ شو میں پرفارم کرنے کے لیے خوب ریہرسل بھی کی جب کہ پرفارمنس سے زیادہ شاہد کپور اس بات پر خوش تھے کہ انہیں بہترین اداکار کا ایوارڈ ملنے جارہا ہے تاہم آخری لمحے میں آرگنائزر نے فیصلہ بدلتے ہوئے ایوارڈ رنویر سنگھ کو دیدیا۔

بھارتی میڈیا کے مطابق جیسے ہی آرگنائزر نے ایوارڈ رنویر سنگھ کو دینے کا اعلان کیا شاہد کپور شدید غصے میں آپے سے باہر ہوگئے اور آرگنائزر کو کھری کھری سنادی، اس کے بعد شاہد کپور ایوارڈ فنکشن میں پرفارم کیے بغیر چلے گئے۔