کیا ’پارٹی گرل‘ دنانیر مبین زلمی کیمپ کا حصہ بننے والی ہیں

دنانیر مبین نے گزشتہ روز انسٹاگرام اکاؤنٹ پر اپنی دو تصاویر شیئر کیں جن میں وہ پیلے رنگ کے لباس میں نظر آرہی ہیں فوٹوانسٹاگرام

---

پارٹی ویڈیو سے مشہور ہونے والی سوشل میڈیا انفلوئنسر دنانیر مبین کی حال ہی میں شیئر کی گئی پوسٹ سے اشارہ مل رہا ہے کہ وہ پشاور زلمی کیمپ کا حصہ بننے جارہی ہیں۔

دنانیر مبین نے گزشتہ روز انسٹاگرام اکاؤنٹ پر اپنی دو تصاویر شیئر کیں جن میں وہ پیلے رنگ کے لباس میں نظر آرہی ہیں۔ تصاویر کے کیپشن میں دنانیر نے لکھا پیلا رنگ سیزن کا آفیشل رنگ ہے۔

یہ بھی پڑھیں: ماہرہ خان پشاور زلمی کی برانڈ ایمبیسیڈر مقرر

اس کے بعد انہوں نے سوشل میڈیا صارفین سے سوال پوچھا کیا آپ اندازہ لگاسکتے ہیں کہ آگے کیا آرہا ہے؟ اس کیپشن کے ساتھ انہوں نے ''زلمی کنگنڈم'' کا ہیش ٹیگ بھی استعمال کیا۔ جس سے یہ اشارہ ملتا ہے کہ ترک اداکارہ اسرا بلگیچ، ماہرہ خان اور ہانیہ عامر کے بعد اب دنانیر مبین بھی پشاور زلمی کی سفیر مقرر ہونے والی ہیں۔

[instagram-post url="https://www.instagram.com/p/CLetzDuhoX1/"]

دنانیر مبین کی اس پوسٹ پر سوشل میڈیا صارفین کی جانب سے بھی یہی کہا گیا کہ وہ زلمی کیمپ جوائن کرنے والی ہیں اور سوشل میڈیا پر بھی ان کے پشاور زلمی جوائن کرنے کی خبریں گردش کررہی ہیں۔

یہ بھی پڑھیں: ترکش سپر اسٹار اسرا بلگیچ پشاور زلمی کا حصہ بن گئیں

واضح رہے کہ پشاور زلمی کے بانی جاوید آفریدی نے 16 فروری کو ماہرہ خان کو پشاور زلمی کا سفیر مقرر کرنے کا اعلان کیا تھا۔ بعد ازاں انہوں نے گزشتہ روز ترک اداکارہ اسرا بلگیچ المعروف حلیمہ سلطان کو اپنی فرنچائز کا ایمبیسیڈر مقرر کیا۔ جب کہ پشاور زلمی کے آفیشل انسٹاگرام اکاؤنٹ سے ہانیہ عامر کے زلمی کنگڈم کا حصہ بننے کا اعلان کیا گیا۔