- محموداچکزئی کے وارنٹ گرفتاری جاری، 22 اپریل کو عدالت میں پیش کرنے کا حکم
- چینی صدر اور امریکی وزیرخارجہ کی شکوے شکایتوں سے بھری ملاقات
- لاہور؛ 9 سالہ گھریلو ملازمہ پراسرار طور پر جھلس کر جاں بحق، گھر کا مالک گرفتار
- اغوا برائے تاوان کی واردات کا ڈراپ سین؛ مغوی نے دوستوں کے ساتھ ملکر رقم کا مطالبہ کیا
- فیس بک کے بانی کو 50 کھرب روپے کا نقصان ہوگیا
- عازمین حج کیلئے خوشخبری، جناح انٹرنیشنل ایئرپورٹ روڈ ٹومکہ میں شامل
- اسٹاک ایکسچینج میں کاروباری میں تیزی، انڈیکس 72 ہزار 742 پوائنٹس پر بند
- بلدیہ پلازہ میں بیٹھے وکلا کمرے کا ماہانہ کرایہ 55 روپے دیتے ہیں، وزیراعلیٰ بلوچستان
- انٹربینک مارکیٹ میں ڈالر کی نسبت روپیہ تگڑا
- کچے کے ڈاکوؤں سے رابطے رکھنے والے 78 پولیس اہلکاروں کا کراچی تبادلہ
- ایک ہفتے کے دوران 15 اشیا کی قیمتیں بڑھ گئیں
- چینائی میں پاکستانی 19 سالہ عائشہ کو بھارتی شخص کا دل لگادیا گیا
- ڈی جی ایس بی سی اے نے سنگین الزامات کا سامنا کرنے والے افسر کو اپنا اسسٹنٹ مقرر کردیا
- مفاہمت یا مزاحمت، اب ن لیگ کا بیانیہ وہی ہوگا جو نواز شریف دیں گے، رانا ثنا
- پی ایس کیو سی اے کے عملے کی ہڑتال، بندرگاہ پر سیکڑوں کنٹینرپھنس گئے
- ڈھائی گھنٹے میں ہیرے بنانے کا طریقہ دریافت
- پول میں تیزی سے ایک میل فاصلہ طے کرنے کے ریکارڈ کی کوشش
- پروسٹیٹ کینسر کی تشخیص کے لیے نیا ٹیسٹ وضع
- غزہ پالیسی پر امریکی وزارت خارجہ کی خاتون ترجمان نے احتجاجاً استعفی دیدیا
- راولپنڈی: خاکروب کی لیڈی ڈاکٹر کو جنسی ہراساں کرنے اور تیزاب پھینکنے کی دھمکی
ٹریک اینڈ ٹریس سسٹم کا کنٹریکٹ دینے کاعمل ہنوز جاری
اسلام آباد: وزیراعظم عمران خان نے اپنے ٹویٹ میں ٹیکس چوری روکنے کے لیے ڈیجیٹل ٹریک اینڈ ٹریس سسٹم کے ’ حصول‘ پر فیڈرل بورڈ آف ریونیو کی توصیف کی۔
گذشتہ روز ( ہفتے کو) کیے گئے ٹویٹ میں عمران کان نے کہا کہ ’’ آئی ٹی پر منحصر ٹرانسفارمیشن پلان ڈیولپ کرنے اور جدید ترین ٹریک اینڈ ٹریس سسٹم کے حصول کے لیے ایف بی آر ہیڈ آفس ٹیک قابل تعریف ہے۔‘‘
وزیراعظم نے مزید کہا کہ جولائی 2021ء میں مکمل طور پر آپریشنل ہوجانے کے بعد اس سسٹم کی وجہ سے سیکڑوں ارب روپے کا اضافی ریونیو حاصل ہوگا اور اس سے جعل سازی کی روک تھام ہوگی اور قانون کی حکمرانی قائم ہوگی۔ وزیراعظم نے ایف بی آر کو 7ماہ کے لیے ٹیکس ریونیو کا ہدف حاصل کرنے پر بھی مبارک باد دی۔
وزیراعظم کو ایف بی آر کی تعریف کرچکے مگر حقیقت یہ ہے کہ ایف بی آر کا یہ کام ابھی ادھورا ہے۔ ایف بی آر نے ٹریک اینڈ ٹریس سسٹم کے لیے ابھی تک کسی کمپنی کو کنٹریکٹ نہیں دیا۔ اس کی وجہ بولی کے طریقہ کار پر جاری تنازع ہے جس کی وجہ سے 25 ارب روپے مالیت کا یہ کنٹریکٹ ہنوز کسی کو نہیں دیا گیا۔
پی ٹی آئی کی حکومت تمباکو، سیمنٹ، کھاد اور چینی کے شعبوں میں ٹیکس چوری روکنے کے لیے دو بار کوشش کرچکی ہے۔ دوسری کوشش میں یکم فروری کو ٹریک اینڈ ٹریس سسٹم کے لیے بولی ( بڈز) کھولی گئی تھی جس میں اے جے سی ایل پراؤیٹ لمیٹڈ اول امیدوار کے طور پر سامنے آئی، تاہم اس کمپنی کی لگائی گئی بولی سب سے کم بولی دہندہ سے 52 فیصد مہنگی تھی۔ دونوں کمپنیوں کے درمیان بولی کا فرق 259 روپے فی ہزار اسٹیمپ تھا۔ کم از کم 3 فریقوں نے بڈنگ پروسیس کو کمیٹی میں چیلنج کیا ہے اور ان دنوں ان فریقوں کو سنا جارہا ہے۔
وزیراعطم کی جانب سے ٹویٹ سے تنازع کے حل کے لیے جاری عمل پر اثرپڑسکتا ہے کیوں کہ کمیٹی نے ابھی تک تمام فریقین کو نہیں سنا ہے۔ ایف بی آر کے ترجمان نے تصدیق کی ہے کہ کنٹریکٹ دینے کا عمل ہنوز جاری ہے۔
سیدندیم رضوی نے ایک سوال کے جواب میں کہا کہ مذاکرات کے لیے خطوط جاری کردیے گئے ہیں جس کے بعد کنٹریکٹ پر دستخط کیے جائیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔