اسلام آباد یونائیٹڈ نے ملتان سلطانز کو 3 وکٹوں سے شکست دے دی

ملتان سلطانز نے مخالف ٹیم کو فتح کے لیے 151 رنز کا ہدف دیا تھا ۔ فوٹو : فائل

---

PESHAWAR: پاکستان سپر لیگ کے چھٹے ایڈیشن کے تیسرے میچ میں اسلام آباد یونائیٹڈ نے ملتان سلطانز کو 3 وکٹوں سے شکست دے دی۔

کراچی کے نیشنل اسٹیڈیم میں کھیلے گئے پی ایس ایل 6 کے تیسرے میچ میں ملتان سلطانز کی جانب سے دیئے گئے 151 کے ہدف کے تعاقب میں اسلام آباد یونائیٹڈ کی طرف سے فل سالٹ اور الیکس ہیلز نے اننگز کا آغاز کیا تاہم اوپننگ پر آئے فل سالٹ 13 رنز پر محمد عمر کی بال پر جیمس ونس کے ہاتھوں کیچ آؤٹ ہوئے۔

Need a loud cheer for this duo that swam against the tide today! 👏🏼 #MatchDikhao l #HBLPSL6 I #IUvMS pic.twitter.com/svLFsxlVaW

— PakistanSuperLeague (@thePSLt20) February 21, 2021

جس کے بعد اسلام آباد یونائیٹڈ کے کپتان شاداب خان آئے اور محض 5 رنز پر ہی چلتے بنے۔ ٹیم کے مجموعی 55 کے اسکور پر الیکس ہیلز بھی 29 رنز بنا کر آؤٹ ہوگئے۔

ہیلز کے جانے بعد اسلام آباد یونائیٹڈ کی بیٹنگ لائن لڑکھڑا گئی اور ایک کے بعد ایک وکٹیں گرتی گئیں، آصف علی 9، افتخار احمد ایک جب کہ حسین طلعت 10 رنز بنا کر آؤٹ ہوئے۔

اسلام آباد یونائیٹڈ کی یکے بعد دیگرے وکٹیں گرنے کے بعد لوئس نے فہیم اشرف کے ساتھ اسکور بورڈ کو آگے بڑھایا تاہم 117 کے مجموعی اسکور پر فہیم اشرف بھی 22 رنز بناکر آؤٹ ہوگئے۔

ان کے بعد لوئس نے شاندار کھیل کا مظاہرہ کرتے ہوئے اسلام آباد یونائیٹڈ کی ڈوبتی ہوئی کشتی کو سہارا دیا اور ملطان سلطانز کو 3 وکٹوں سے شکست دے کر ٹیم کو جیت سے ہمکنار کراویا، پلیئر آف دی میچ بھی قرار پائے۔

Give this guy a raise, ISLU 😉 #MatchDikhao l #HBLPSL6 I #IUvMS l @IsbUnited pic.twitter.com/27yRsfxJxI

— PakistanSuperLeague (@thePSLt20) February 21, 2021

اسلام آباد یونائیٹڈ نے مطلوبہ ہدف 7 وکٹ کے نقصان پر 19ویں اوور میں پورا کیا جب کہ ملطان سلطانز کی جانب سے کارلوس اور شاہد آفریدی نے 2، 2 اور محمد عمر، خوش دل شاہ نے ایک، ایک وکٹ حاصل کی۔

Chase ho toh aisi. Little risky but 10/10 fun 😉
Congratulations @IsbUnited! #MatchDikhao l #HBLPSL6 I #IUvMS pic.twitter.com/MXFUK99DiK

— PakistanSuperLeague (@thePSLt20) February 21, 2021

اس سے قبل اسلام آباد یونائیٹڈ کے کپتان شاداب خان نے ٹاس جیت کر پہلے فیلڈنگ کرنے کا فیصلہ کیا جس کے جواب میں ملتان سلطانز کی جانب سے محمد رضوان اور کرس لین نے کھیل کا آغاز کیا تاہم کرس لین فہیم اشرف کی گیند پر سالٹ کے ہاتھوں صرف ایک رن بنا کر آؤٹ ہوئے۔ محمد رضوان نے جیمس ونس کے ساتھ اسکور بورڈ کو آگے بڑھایا تاہم 52 کے مجموعی اسکور پر جیمس ونس 16 رنز بناکر آؤٹ ہوگئے۔

Barabar ki takkar.
Multan piling up runs but Islamabad not letting the batsmen settle. #MatchDikhao l #HBLPSL6 I #IUvMS pic.twitter.com/c8fneqp7uP

— PakistanSuperLeague (@thePSLt20) February 21, 2021

ملتان سلطانز کے کپتان محمد رضوان نے انتہائی ذمہ داری کا مظاہرہ کرتے ہوئے نہ صرف وکٹ روکے رکھی بلکہ نصف سنچری کے ساتھ اسکور بورڈ کو بھی آگے بڑھایا اور 71 رنز پر محمد وسیم کے ہاتھوں آؤٹ ہوئے۔ ان کے بعد شاہد آفریدی آئے اورکھاتہ کھولنے کی بھی زحمت نہ کی وہ محمد وسیم کا شکار بن کر پویلین واپس لوٹ گئے۔

ملتان سلطانز نے تمام اوورز کھیلتے ہوئے 150 رنز اسکور کیے اور مخالف ٹیم کو فتح کے لیے 151 رنز کا ہدف دے دیا جب کہ بالنگ میں اسلام آباد یونائیٹڈ کی جانب سے محمد وسیم نے 3 اور لوئس نے 2 کھلاڑیوں کو آؤٹ کیا، حسن علی، فہیم اشرف اور شاداب خان نے ایک، ایک وکٹ حاصل کیں۔

This is what a 𝒅𝒓𝒆𝒂𝒎 𝒅𝒆𝒃𝒖𝒕 looks like 🙌🏼 #MatchDikhao l #HBLPSL6 I #IUvMS pic.twitter.com/c2VuxFJNLg

— PakistanSuperLeague (@thePSLt20) February 21, 2021

واضح رہے پاکستان سپر لیگ کے چھٹے ایڈیشن کے دوسرے میچ میں لاہور قلندرز نے پشاور زلمی کو 4 وکٹ سے شکست دی، پشاور زلمی نے مقررہ 20 اوورز میں 140 رنز بنائے جب کہ لاہور قلندرز نے مطلوبہ ہدف 6 وکٹ کے نقصان پر 19ویں اوور میں پورا کیا۔