بھارتی فلموں میں کام کرنا کوئی جرم نہیں ثنا

حال ہی میں مجھے ایک نئی فلم میں سائن کیا گیا ہے جس میں میرے علاوہ اکشے کمار اور دیگر فنکار بھی کام کرینگے، ثنا۔ فوٹو : فائل

---

اداکارہ ٖثنا نے کہا ہے کہ بھارتی فلموں میں کام کرنا کوئی جرم نہیں' فنکار کے فن کی کوئی حد نہیں ہوتی' جب پاکستانی اسٹوڈیوز ویران ہونگے تو پھر فنکاروں کو یہ حق ہے کہ وہ دوسرے ملکوں میں جا کر کام کریں۔

''آئی این پی'' سے گفتگو میں اداکارہ ثنا نے کہا کہ بھارتی فلم انڈسٹری میں میرے کام کو بہت پسند کیا جا رہا ہے اور حال ہی میں مجھے ایک نئی فلم میں سائن کیا گیا ہے جس میں میرے علاوہ اکشے کمار اور دیگر فنکار بھی کام کرینگے۔ انھوں نے کہا کہ میں سمجھتی ہوں کہ بھارت جا کر فلموں میں کام کرنا کوئی جرم نہیں لیکن ہم سب کو اپنے ملک کی عزت کا خیال رکھنا چاہیے اور میں بھی پاکستان کی عزت پر آنچ نہیں آنے دیتی۔