لاہور قلندرز نے کوئٹہ گلیڈی ایٹرز کو 9 وکٹوں سے شکست دیدی

لاہور قلندرز نے ٹاس جیت کر کوئٹہ گلیڈی ایٹرز کو بیٹنگ کی دعوت دی ہے

---

پی ایس ایل 6 کے چوتھے میچ میں لاہور قلندرز نے کوئٹہ گلیڈی ایٹرز کو 9 وکٹوں سے شکست دیدی۔

کراچی کے نیشنل اسٹیڈیم میں کھیلے گئے پاکستان سپر لیگ 6 کے چوتھے میچ میں لاہور قلندرز نے کوئٹہ گلیڈی ایٹرز کو 9 وکٹوں سے شکست دیدی، لاہور کی ٹیم نے کوئٹہ گلیڈی ایٹرز کا 179 رنز کا ہدف ایک وکٹ کے نقصان پر 18.2 اوورز میں حاصل کرلیا۔

Both @MHafeez22 and @FakharZamanLive lit up the Karachi night with some explosive hitting!#HBLPSL6 | #MatchDikhao | #QGvLQ pic.twitter.com/x9Cwu3ekpp

— PakistanSuperLeague (@thePSLt20) February 22, 2021

کوئٹہ گلیڈی ایٹرز کے 179 رنز ہدف کے تعاقب میں لاہور کی جانب سے اننگز کا آغاز فخرزمان اور سہیل اختر نے کیا اور 64 رنز کی اوپننگ شراکت قائم کی جس کے بعد سہیل اختر 21 رنز بناکر آؤٹ ہوگئے۔

ون ڈاؤن آنے والے محمد حفیظ نے اوپنر فخرزمان کے ساتھ مل کر جارحانہ کھیل کا مظاہرہ کیا اور 115 رنز کی شراکت قائم کی، محمد حفیظ نے 73 اور فخر زمان نے 82 رنز کی اننگز کھیلی جس کی بدولت لاہور قلندرز نے ہدف 18.2 اوورز میں حاصل کرلیا۔

The Universe Boss was in an unforgiving mood tonight.#MatchDikhao l #HBLPSL6 l #QGvLQ pic.twitter.com/85gm4pP7oE

— PakistanSuperLeague (@thePSLt20) February 22, 2021

اس سے قبل لاہور قلندرز نے کوئٹہ گلیڈی ایٹرز کے خلاف ٹاس جیت کر بولنگ کا فیصلہ کیا تو کوئٹہ کی جانب سے اننگز کا آغاز ٹام بنٹن اور صائم ایوب نے کیا تاہم دونوں اوپنرز خاص کارکردگی کا مظاہرہ نہ کرسکے اور صرف 12 کے مجموعی اسکور پر دونوں پویلین لوٹ گئے جس کے بعد ون ڈاؤن آنے والے کرس گیل اور سرفراز احمد نے ٹیم کو سنبھالا۔

The Universe Boss was in an unforgiving mood tonight.#MatchDikhao l #HBLPSL6 l #QGvLQ pic.twitter.com/85gm4pP7oE

— PakistanSuperLeague (@thePSLt20) February 22, 2021

کرس گیل اور سرفراز احمد کے درمیان 101 رنز کی شراکت بنی جس کے بعد سرفراز 40 رنز بناکر آؤٹ ہوگئے جب کہ اگلے اوور میں راشد خان نے کرس گیل کو 68 کے اسکور پر بولڈ کردیا جس کے بعد اعظم خان آئے جنہوں نے صرف 19 رنز بنائے، چھٹے نمبر پر آنے والے محمد نواز نے جارحانہ اننگز کا مظاہرہ کیا اور صرف 20 گیندوں پر 33 رنز بنائے جس کی بدولت کوئٹہ کی ٹیم مقررہ اوورز میں 178 رنز بناسکی۔

لاہور قلندرز کی جانب سے حارث رؤف نے 3 کھلاڑیوں کو آؤٹ کیا جب کہ شاہین شاہ آفریدی، احمد دانیال اور راشد خان نے ایک ایک وکٹ حاصل کی۔

Light up light up 💡💡@HarisRauf14 lights up the stumps for his second wicket!#HBLPSL6 | #MatchDikhao | #QGvLQ pic.twitter.com/tcFKcIBzBg

— PakistanSuperLeague (@thePSLt20) February 22, 2021