مٹھی اچانک آگ بھڑکنے سے 17 گھر خاکستر 2 خواتین جھلس کر زخمی

مٹھی کے قریب آتشزدگی سے خاکستر ہونے والے گھروں کا منظر، متاثرین حکومتی امداد کے منتظر۔ فوٹو: آئی این پی

---

HYDERABAD: مٹھی کے قریبی گائوں دھاراڑ میں اچانک آگ سے مینگھواڑ برادری کے 17 مکانات میں آگ لگ گئی جس کے باعث لاکھوں روپے کا سامان جل گیا۔

2 خواتین بھی جھلس گئی۔ متاثرین سردی میں کھلے آسمان کے نیچے، تفصیلات کے مطابق مٹھی کے گائوں دھاراڑ میں اتفاقی آگ لگنے سے مینگھواڑ برادری کے 17 مکانات جل گئے۔ گھروں میں موجود سونے کے زیوارت سمیت لاکھوں روپے کا سامان راکھ ہو گیا۔ متاثرین صرف اپنی جان بچا سکے۔ اطلاع کے بعد مٹھی سے فائر بریگیڈ عملے نے پہنچ کر 2 گھنٹے کے کوششوں کے بعد آگ پر قابو پایا۔



آگ سے 2 خواتین مصراں اور انیلا مینگھواڑ زخمی جبکہ گھروں میں موجود 4 بکریاں ہلاک ہو گئیں۔ متاثرین سردی میں کھلے آسمان کے نیچے آگئے۔ ضلعی انتظامیہ نے متاثرین کی بروقت کوئی مدد نہیں کی۔ آگ متاثرین میں نربھو، والم، بھاگچند، سانون، رمیش کمار، پانچو، دولت، رائچند، کیسرو ودیگر شامل ہیں۔ متاثرین نے گائوں میں تھرپارکر میڈیا سینٹر کے صحافیوں کو بتایا کہ ضلع انتظامیہ کا کوئی نمائندہ بھی ہماری مدد کو نہیں آیا۔