ملکی معیشت کو مسلسل دوسرے ماہ تجارتی خسارے کا سامنا

سلمان صدیقی  منگل 23 فروری 2021
باقی 5 ماہ میں بھی خسارہ 200 تا 300 ملین ڈالر ماہانہ کی حد میں رہے گا، سمیع اللہ طارق
 (فوٹو: فائل)

باقی 5 ماہ میں بھی خسارہ 200 تا 300 ملین ڈالر ماہانہ کی حد میں رہے گا، سمیع اللہ طارق (فوٹو: فائل)

 کراچی:  جنوری میں تجارتی خسارہ 229 ملین ڈالر ریکارڈ کیا گیا جب کہ اس طرح مسلسل دوسرے ماہ ملک کو تجارتی خسارے کا سامنا کرنا پڑا ہے۔

اسٹیٹ بینک آف پاکستان کی گذشتہ روز جاری کردہ رپورٹ کے مطابق جنوری میں تجارتی خسارہ جنوری 2020ء کے مقابلے میں 55 فیصد اور دسمبر 2020 کی نسبت 65 فیصد کم ہے۔ تجارتی خسارے میں اضافے کی بنیادی وجہ اشیائے خوراک، صنعتی خام مال اور مشینری کی درآمدات میں اضافہ ہے۔

مرکزی بینک کے مطابق جنوری کے مہینے میں معیشت کے مختلف شعبوں جیسے بجلی اور ٹیلی کام کے منصوبوں میں سرمایہ کاری 192.7 ملین ڈالر کی سطح پر رہی، جب کہ سال گذشتہ کے اسی مہینے میں براہ راست بیرونی سرمایہ کاری کا حجم 219.6 ملین ڈالر رہا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔