دونوں ٹیموں کو اپنے پہلے میچ میں شکست کا سامنا کرنا پڑا تھا۔ فوٹو : پی ایس ایل
کراچی کے نیشنل اسٹیڈیم میں کھیلے گئے پاکستان سپر لیگ کے پانچویں میچ میں پشاور زلمی نے ملتان سلطانز کو 6 وکٹوں سے ہرادیا، پشاور کی ٹیم نے ملتان کا 194 رنز کا ہدف 4 وکٹوں کے نقصان پر 19ویں اوور میں پورا کرلیا۔
SLAPPED!
— PakistanSuperLeague (@thePSLt20) February 23, 2021
Rutherford there’s people sitting here 😥#MatchDikhao l #HBLPSL6 l #PZvMS pic.twitter.com/uFpZBpUMYu
پشاور زلمی کی جانب سے ہدف کے تعاقب میں اننگز کا آغاز امام الحق اور کامران اکمل نے کیا، دونوں اوپنرز نے 57 رنز کی شراکت قائم کی تاہم کامران اکمل 37 رنز بناکر پویلین لوٹ گئے۔ اوپنر امام الحق اور ون ڈاؤن آنے والے ٹام کیڈمور نے جارحانہ انداز اپناتے ہوئے 76 رنز کی شراکت قائم کی تاہم امام الحق 48 رنز بناکر رن آؤٹ ہوگئے جب کہ ٹام کیڈمور نے نصف سنچری مکمل کی اور 53 رنز بناکر پویلین لوٹ گئے۔
ٹام کیڈمور کے آؤٹ ہونے کے بعد شعیب ملک اور حیدر علی صرف 14 گیندوں پر 37 رنز کی ناقابل شکست شراکت قائم کی جب کہ حیدر علی نے صرف 8 گیندوں پر 25 رنز بنائے جس کی بدولت پشاور کی ٹیم نے 19 ویں اوور میں ہدف حاصل کرلیا۔
اس سے قبل پشاور زلمی نے ملتان سلطانز کے خلاف ٹاس جیت کر پہلے بولنگ کا فیصلہ کیا تو ملتان کی جانب سے اننگز کا آغاز کرس لن اور محمد رضوان نے کیا تاہم کرس لن صرف ایک رن بناکر آؤٹ ہوگئے جس کے بعد ون ڈاؤن آنے والے جیمس وینس اور اوپنر محمد رضوان نے جارحانہ کھیل پیش کیا اور اسکور آگے بڑھایا۔
No one:
— PakistanSuperLeague (@thePSLt20) February 23, 2021
Rizwan when a new kid is bowling: #MatchDikhao l #HBLPSL6 l #PZvMS pic.twitter.com/nl5Lmo1Ny2
دونوں کھلاڑیوں کے درمیان 82 رنز کی شراکت قائم ہوئی جس کے بعد محمد رضوان 41 رنز بناکر پویلین لوٹ گئے تاہم جیمس وینس نے صہیب مقصود کے ساتھ بھی جارحانہ 71 رنز کی شراکت قائم کی تاہم صہیب مقصود 36 رنز بناکر آؤٹ ہوگئے جس کے بعد جیمس وینس نے 84 رنز کی اننگز کھیلی جس کی بدولت ملتان کی ٹیم مقررہ 20 اوورز میں 4 وکٹوں کے نقصان پر 193 رنز بنانے میں کامیاب ہوئی۔
Did it land in Multan? @sohaibcricketer warming up! #MatchDikhao l #HBLPSL6 I #PZvMS pic.twitter.com/lRiThPtNoa
— PakistanSuperLeague (@thePSLt20) February 23, 2021
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔