16 لاکھ 50 ہزار پاکستانی اندھے پن کے مرض میں مبتلا ہیں ماہرین امراض چشم

سفید موتیے کا بروقت آپریشن نہ کروانے کی صورت میں آنکھوں میں کالا پانی ہو سکتا ہے.

Staff Reporter January 06, 2014

سفید موتیے کا بروقت آپریشن نہ کروانے کی صورت میں آنکھوں میں کالا پانی ہو سکتا ہے. فوٹو: فائل

ماہرین امراض چشم نے کہا ہے کہ موسم سرما اور موسم خزاں کی خشک اور سرد ہوا سے جلد اور آنکھیں بھی متاثر ہوسکتی ہیں۔

آنکھوں سے بہنے والے پانی یاآنسوکا اصل کام آنکھ کو تر رکھنا ہوتا ہے، جماعت اسلامی ضلع جنوبی کے تحت طبی کیمپ کی افتتاحی تقریب سے ماہرین امراض چشم نے بتایاکہ سفید موتیا پیدائشی مرض نہیں ہے ،40سال سے زائد عمر کے افراد کو سفید موتیا خود بخود ہوجاتا ہے اورکسی بھی فرد کو آنکھ میں چوٹ لگنے کی صورت میں بھی ہو سکتا ہے، سفید موتیے کا بروقت آپریشن نہ کروانے کی صورت میں آنکھوں میں کالا پانی ہو سکتا ہے،آنکھوں کی بینائی جانے کا بھی خدشہ ہوتا ہے ،دنیا بھر میں 3 کروڑ 70لاکھ افراد اندھے پن کا شکار ہیں،16لاکھ 50ہزار پاکستانی اندھے پن کا شکار ہیں ۔